Rasiejskaja naftapierapracoŭka padaje praz ataki bieśpiłotnikaŭ. Ukraincy nacelilisia na samuju dachodnuju halinu RF
Ukraina ŭzmacniła ataki bieśpiłotnikami i naceliłasia na halinu, jakaja zjaŭlajecca klučavoj dla rasijskaj kazny. U apošnija tydni ŭdary pa naftapierapracoŭčych abjektach stanoviacca ŭsio bolš razburalnymi, što pahražaje zdolnaści Rasii pastaŭlać paliva na źniešni i ŭnutrany rynki, piša Bloomberg.
Rasiejskija naftapierapracoŭčyja zavody istotna skaracili pierapracoŭku ŭ studzieni z-za napadaŭ ukrainskich BPŁA. U studzieni paśla atak dronaŭ Rasieja spyniła pierapracoŭku na dvuch bujnych NPZ — zavodach «Navateka» va Uść-Łuzie i «Rasnafty» ŭ Tuapse. Na abodva abjekty prypadała amal 5 pracentaŭ siaredniasutačnaj vypracoŭki pa krainie.
Pa danych Bloomberg, u studzieni pierapracoŭka nafty ŭpała da minimumu za dva miesiacy. Na tydni z 25 pa 31 studzienia ŭ krainie pierapracoŭvałasia 5,41 młn barelaŭ u dzień, što na 135 tys. barelaŭ mienš za siaredni pakazčyk u śniežni. Siaredniaja ž pierapracoŭka za studzień skłała 5,48 młn barelaŭ u dzień, što na 60 tys. barelaŭ mienš za śniežańskija adznaki.
Z pryčyny ŭdaraŭ BPŁA pa rasiejskich NPZ u studzieni ekspart bienzinu i dyzielu skaraciŭsia na 37 i 23% adpaviedna, paviedamili ŭ Minenierha RF. U ministerstvie heta nazvali «abjomami, jakija vypali z-za ramontnych rabot na zavodach».
Napady ŭkrainskich BPŁA na rasiejskija NPZ mohuć być novaj stratehijaj viadzieńnia asimietryčnaj vajny va ŭmovach tupiku na froncie, miarkujuć analityki.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady26
Kamientary
Liši uZZkich dochodov ot niefti i haza i oni sožrut druh u druha łapti. I vojevať budut sami s soboj za eto.