U Vałhahradzie hareŭ bujny naftapierapracoŭčy zavod. Tudy śpikiravaŭ bieśpiłotnik
Pavodle papiaredniaj infarmacyi, zahinułych i paciarpiełych niama.
Miascovyja ŚMI paviedamili, u Vałhahradzie ŭźnik pažar na naftapierapracoŭčym zavodzie «ŁUKOJŁ-Vałhahradnaftapierapracoŭka».
Adrazu niekalki krynic u ekstrannych słužbach paćvierdzili miascovym žurnalistam, što na NPZ upaŭ bieśpiłotnik:
«Tam dym valić słupom,— upaŭ bieśpiłotnik, vyklikali adrazu vajskoŭcaŭ, miedykaŭ i pažarnych. Momantu padzieńnia nichto z apieratyŭnych rabotnikaŭ nie bačyŭ. Ale paviedamili, što paškodžańni tam surjoznyja. Ludziej nie było ŭ momant zdareńnia, pakul biez achviar».
Paźniej hetu infarmacyju paćvierdziŭ hubiernatar rehijona Andrej Bačaroŭ.
Ciapier adkrytaje hareńnie likvidavana, achviar niama. MNS Rasii paviedamlała, što płošča pažaru dasiahała 300 kv. m.
U Minabarony Rasii zajavili, što ŭsiaho srodki supraćpavietranaj abarony pierachapili i źniščyli čatyry ŭkrainskija bieśpiłotniki nad Biełharadskaj vobłaściu, dva — nad Vałhahradskaj i adzin — nad Rastoŭskaj.
TAA «ŁUKOJŁ-Vałhahradnaftapierapracoŭka» — najbujniejšy vytvorca naftapraduktaŭ u Paŭdniovaj fiederalnaj akruzie RF, mahutnaść zavoda składaje 14,8 młn.ton.
Kamientary