Rasijski sienatar paraŭnaŭ ministra abarony ZŠA z małpaj. Amierykanski astranaŭt jamu adkazaŭ
Były kiraŭnik «Raskosmasu» Dźmitryj Rahozin apublikavaŭ rasiscki žart. Jaho acanili daloka nie ŭsie.
Rahozin zapościŭ dźvie fatahrafii — na adnoj upalavanaja pihmiejami małpa, a na druhoj — ministr abarony ZŠA Łojd Ościn z ukrainskim kaleham Rustemam Umieravym i Uładzimiram Zialenskim.
Fota sienatar padpisaŭ na anhlijskaj i ruskaj movach: Ministr abarony ZŠA Łojd Ościn da chvaroby vielmi lubiŭ fatahrafavacca ź pihmiejami. Tak Rahozin pryhadaŭ historyju z tajemnaj špitalizacyjaj amierykanskaha ministra.
Tvit rasijskaha čynoŭnika nabraŭ bolš za miljon prahladaŭ i mizernuju dla takoha achopa kolkaść łajkaŭ (kala 250). U adkazach jamu pryhadali nieanacysckaje minułaje, a astranaŭt Skot Kieli napisaŭ Rahozinu pa-rusku:
«Dzimon, uličvajučy što ty, pa sutnaści, nacyst, tvoj ahidny rasizm nie vyklikaje asablivaha ździŭleńnia. Ty banalna zajzdrościš sapraŭdnamu hienierału ź jaho realnym bajavym dośviedam, tamu što ty — fejkavy sałdat z fejkavymi miedalami. Kali ty źbiraješsia viarnucca va Ukrainu, kab znoŭ pahulać u sałdacikaŭ? Nie zabudźsia zachapić z saboj braniavanyja pampiersy», — napisaŭ Kieli.
U śniežni 2022 hoda rakieta prylacieła ŭ restaran u Daniecku, dzie Dźmitryj Rahozin adznačaŭ svoj dzień naradžeńnia. Sienatar atrymaŭ šmatlikija ranieńni, ale vyžyŭ.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?2
Kamientary