U Dobrušskim rajonie buduć sudzić čynoŭnicu, jakaja addała dziaciej u pryjomnuju siamju z mužčynam-hvałtaŭnikom
Kryminalnaja sprava była zaviedzienaja ŭ dačynieńni da eks-načalnika adździeła adukacyi, sportu i turyzmu Dobrušskaha rajvykankama. Žančynie inkryminujuć słužbovuju chałatnaść, jakaja paciahnuła ciažkija nastupstvy, piša «Homielskaja praŭda».
U 2016 hodzie čynoŭnica pieradała čaćviarych niepaŭnaletnich dziaciej va ŭzroście 14, 11, 8 i 7 hadoŭ na vychavańnie ŭ pryjomnuju siamju. Pry hetym kiraŭnica adździeła nie prakantralavała pracu svajho padnačalenaha, jaki nie zapytaŭ u orhanach unutranych spraŭ źviestki ab adsutnaści ŭ pryjomnaha baćki sudzimaściaŭ za naŭmysnyja ciažkija i asabliva ciažkija złačynstvy suprać čałavieka.
Jak akazałasia, mužčyna ŭ 1998 hodzie byŭ sudzimy za zabojstva. I kali dzieci ŭsio ž patrapili ŭ hetuju siamju, to pačynajučy z 2018 hoda jon na praciahu čatyroch hadoŭ hvałtavaŭ pryjomnuju dačku 2008 hoda naradžeńnia.
Darečy, u listapadzie minułaha hoda sud Dobrušskaha rajona pryznačyŭ hvałtaŭniku pakarańnie ŭ vyhladzie pazbaŭleńnia voli terminam na 19 hadoŭ. Ciapier ža nakiravanaja ŭ Śledčy kamitet i kryminalnaja sprava suprać niadbajnaj čynoŭnicy.
Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie
«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć
Polskaja palicyja raskazała, jak zatrymała čałavieka, što padazrajecca ŭ zhvałtavańni biełaruski ŭ Varšavie
U Cierciela prahučaŭ novy akcent: «razradka ŭ cełym toj napružanaści» ŭ adnosinach z Polščaj i Bałtyjaj21
Kamientary