Miesi staŭ adnoj z zorak na ŭručeńni premii «Oskar». Bo źniaŭsia ŭ adnym ź filmaŭ tryumfataraŭ
Jon taksama ŭziaŭ pryz na Kanskim kinafiestyvali.
U Łos-Andželesie ŭ noč na paniadziełak prajšła 96-ja cyrymonija ŭručeńnia hałoŭnaj kinapremii śvietu — «Oskar». I hałoŭnym hierojem viečara staŭ … sabaka pa imieni Miesi. Naturalna, što svaju mianušku jon atrymaŭ u honar zorki suśvietnaha futbołu arhiencinca Lijaniela Miesi.
Dla pačatku važna skazać, što heta nie niejki dvarovy sabaka, a samy sapraŭdny akcior, jaki syhraŭ u «Anatomii padzieńnia» Žuścin Tryje. Karcina pieramahła ŭ naminacyi «Najlepšy aryhinalny scenar»). Pa filmie sabaku zavuć Snupam, piša Peopletalk.
U samym pačatku filma syn hałoŭnaj hieraini 12-hadovy Daniel, što kiepska bačyć, idzie z sabakam na prahułku, a viartajučysia, znachodzić cieła baćki kala doma.
«U niekalkich scenach my znachodzimsia na ŭzroŭni sabaki: my bačym rečy ź jaho punktu hledžańnia. Jon taki ž piersanaž, jak i luby inšy, i heta było vielmi važna dla mianie», — vykazałasia raniej režysior karciny Žuścin Tryje.
Na Kanskim fiestyvali karcina vyjhrała «Załatuju palmavuju halinu», a sabaka atrymaŭ asobna ŭznaharodu Palm Dog, alternatyŭnuju premiju dla najlepšaj sabačaj roli.
Litaralna za paru dzion da cyrymonii pisali, što Miesi nie źjavicca na joj, maŭlaŭ, jaho prysutnaść moža dać «Anatomii padzieńnia» dadatkovyja hałasy na «Oskary» (ale hałasavańnie za naminantaŭ adbyvajecca da cyrymonii ŭručeńnia). Adnak za niekalki hadzin da pačatku «Oskara» źjaviłasia fota Miesi pobač ź viadučym Džymi Kimiełam. I tut fanaty sabaki vydychnuli.
«Anatomija padzieńnia»: film-pieramožca Kanskaha kinafiestyvalu daśleduje žyćcio pary, u jakim nie ŭsio tak adnaznačna
«Apienhiejmier» — najlepšy film, Kilijan Miorfi — najlepšy akcior, Ema Stoŭn — najlepšaja aktrysa
Dakumientalny film «20 dzion u Maryupali» prynios pieršy «Oskar» u historyi Ukrainy
Falšyŭka ruskaha avanhardu trapiła ŭ oskaranosny «Apienhiejmier». U historyi jość i biełaruski śled
Pieramožca «Oskara» za film pra Maryupal — toj samy apieratar, jaki źniaŭ zabojstva Tarajkoŭskaha
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ14
Kamientary