Zaviali kryminalnuju spravu ŭ adnosinach pradstaŭnikoŭ Narodnych pasolstvaŭ i «Biełarusaŭ zamiežža»
SK zavioŭ kryminalnuju spravu pa art. 361-1 (stvareńnie ekstremisckaha farmiravańnia abo ŭdzieł u im) u adnosinach da 100 čałaviek — kiraŭnikoŭ i ŭdzielnikaŭ Narodnych pasolstvaŭ i «Biełarusaŭ zamiežža». Ułady pahražajuć im kanfiskacyjaj majomaści ŭ Biełarusi.
Terminałohijaj prapahandy SK paviedamlaje, što narodnyja pasolstvy Biełarusi i infarmacyjnyja centry biełarusaŭ za miažoj, stavili metaj «mierapryjemstvy pa izalacyi dypłamatyčnych pradstaŭnictvaŭ sistemy Ministerstva zamiežnych spraŭ Respubliki Biełaruś i błakavańni lubych kantaktaŭ zamiežnych hramadzian, arhanizacyj i ŭradaŭ ź biełaruskimi dypłamatami».
Biełaruskija dyjaspary SK vinavacić u tym, što jany razharnuli infarmacyjnyja kampanii pa dyskredytacyi «našaj krainy ŭ vačach zachodnich palitykaŭ», «hienieravali infarmacyjna-palityčny i ekanamičny cisk na dziejnyja orhany ŭłady i słužbovych asobaŭ Biełarusi, raspaŭsiudžvali zaviedama iłžyvyja źviestki ab palityčnym, vajennym i mižnarodnym stanoviščy krainy, pravavym stanoviščy hramadzian; zaklikali da ŭviadzieńnia sankcyj; raspalvali sacyjalna-palityčnuju i ideałahičnuju varožaść, zajmalisia eskałacyjaj antydziaržaŭnych pratestnych nastrojaŭ u hramadstvie». «Takim čynam jany sprabavali pryčynić škodu nacyjanalnaj biaśpiecy», — śćviardžaje SK.
Pa viersii SK, metaj «novaj Biełarusi» i farmavańnia alternatyŭnaj sistemy orhanaŭ ułady stajała «vyklučnaja ideja siłavoha zachopu dziaržaŭnaj ułady».
Ciapier Śledčy kamitet, pavodle paviedamleńnia, maje infarmacyju bolš čym pra 100 pradstaŭnikoŭ dyjaspar.
U adnosinach da kiraŭnikoŭ i ŭdzielnikaŭ SK uzbudžana kryminalnaja sprava pa art. 361-1 (stvareńnie ekstremisckaha farmiravańnia abo ŭdzieł u im) Kryminalnaha kodeksa.
Ciapier, piša SK, pravodziacca śledčyja dziejańni, u tym liku pieratrusy, nakładańnie aryštu na majomaść. Pavodle SK, ustanoŭlena bolš jak 30 abjektaŭ nieruchomaj majomaści, što naležać fihurantam spravy, na terytoryi Biełarusi.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy22
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary