Piać krainaŭ JeC zaklikajuć zabaranić impart zbožža ź Biełarusi i Rasii
Ministry sielskaj haspadarki Łatvii, Litvy, Estonii, Polščy i Čechii źviarnulisia da Jeŭrakamisii z prośbaj zabaranić impart zbožža z Rasii i Biełarusi ŭ krainy Jeŭrapiejskaha sajuza.
Zvarot inicyjavany Litvoj. Jaho padpisanty taksama zaklikajuć da supracy krainaŭ ES dla realizacyi abmiežavańnia, piša Biełsat.
Jak adznačyŭ ministr sielskaj haspadarki Litvy Kiastucis Navickas, sankcyi ES suprać Rasijei niedastatkovyja, i nieabchodna dadatkova abmiežavać pastupleńnie rasijskich tavaraŭ u ES.
«U toj čas jak Rasija viadzie žorstkuju, niezakonnuju vajnu suprać Ukrainy, jaje zbožža praciahvaje pastupać na rynak ES. Naprykład, u 2023 hodzie JEM impartavaŭ 1,53 miljona ton rasiejskaha zbožža na sumu 437,5 miljona jeŭra», — skazaŭ ministr.
Ministry padkreślivajuć, što Rasija z dapamohaj prybytku ad ekspartu zbožža ŭ ES finansuje vajnu z Ukrainaj. Akramia taho, takim čynam jany chočuć zmahacca z kankurencyjaj.
«Jak krainy — siabry ES, my ličym nieabchodnym vykanać naš maralny abaviazak i spynić lubuju handlovuju dziejnaść, jakaja moža ŭmacavać mahčymaści Rasii i Biełarusi, jakaja jaje padtrymlivaje, praciahvać kanflikt va Ukrainie, tym bolš što rasiejski impart moža ŭklučać skradzienaje zbožža z akupavanych ukrainskich terytoryj», — havorycca ŭ zvarocie.
Rada Jeŭrasajuza na ŭzroŭni ministraŭ sielskaj haspadarki i rybałoŭstva płanuje abmierkavać hetaje pytańnie 26 sakavika. Tym časam Jeŭrakamisija zamiest zabarony rychtujecca ŭvieści myty na impart zbožža ź Biełarusi i Rasii.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary