«Takich vypadkaŭ nie było hadoŭ z 15». Epidemijołah — pra atručeńnie dziaciej u Barysavie
U pačatku červienia ŭ balnicy Minskaj vobłaści trapili niekalki dziasiatkaŭ daškolnikaŭ ź simptomami kišečnaj infiekcyi. Paźniej vyśvietliłasia, što atručeńnie było vyklikana adnym i tym ža kisłamałočnym praduktam.
— U nas na praciahu ŭžo, napeŭna, kala 15 hadoŭ nie było takich vypadkaŭ, jakija mienavita źviazany z charčovaj pramysłovaściu (jak heta było ŭ vypadku z napojem «Bifidzin»), — raskazała ŭ intervju STB načalnik adździeła hihijeny, epidemijałohii i prafiłaktyki Ministerstva achovy zdaroŭja Biełarusi Ina Karaban.
— Što datyčycca hramadskaha charčavańnia, to tak, pieryjadyčna dzieści 1—2 hrupavyja zachvorvańni, źviazanyja z abjektami hramadskaha charčavańnia, uźnikajuć. Taksama ŭźnikajuć hrupavyja zachvorvańni va ŭstanovach adukacyi. Heta čaściej za ŭsio virusnyja infiekcyi, jakija vyklikajucca naravirusam, rotavirusam i inšymi. Časam byvajuć hrupavyja zachvorvańni, źviazanyja z salmaniełaj, — dadała Ina Karaban.
Kamientary