Zialenski nazvaŭ Pucina nikčemnaściu, kamientujučy terakt u «Krokusie»
U svaim siońniašnim tradycyjnym viačernim videazvarocie prezident Ukrainy Uładzimir Zialenski havaryŭ pra ŭčarašni terakt u maskoŭskim kancertnym kompleksie «Krokus Sici Choł» i reakcyju na jaho rasijskaha kiraŭnictva.
Na dumku Zialenskaha, toje, što adbyłosia, Pucin i jaho prychilniki buduć sprabavać zvalić na niekaha inšaha.
«Heta ŭžo było. I ŭzarvanyja damy byli, i rasstreły, i vybuchi. I zaŭsiody jany abvinavačvajuć inšych», — padkreśliŭ Zialenski.
«Jany pryjšli va Ukrainu, spalvajuć našy harady — i Ukrainu ž sprabujuć abvinavacić. Jany katujuć, hvałtujuć našych ludziej — i ich ža abvinavačvajuć. Jany siudy, na ŭkrainskuju ziamlu, nahnali sotni tysiač terarystaŭ svaich, vajujuć suprać nas, i im usio roŭna, što adbyvajecca ŭnutry ich ža krainy», — źviarnuŭ uvahu jon.
«Učora jašče ŭsio heta adbyłosia, i hetaja nikčemnaść Pucin, zamiest taho kab zajmacca svaimi hramadzianami Rasiei, źviartacca da ich, sutki maŭčaŭ — dumaŭ, jak heta pryciahnuć da Ukrainy», — aburajecca ŭkrainski prezident.
Jon vykazaŭ upeŭnienaść, što terarysty zaŭsiody pavinny prajhravać, i što «my pavinny ŭsim śvietam abaraniacca ad tych, chto ličyć ludziej prosta raschodnym materyjałam».
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary