Pa spravie ab terakcie ŭ «Krokusie» zatrymali jašče troch čałaviek — heta byŭ ich «Reno»
Pa spravie ab terakcie ŭ kancertnym konkursie Crocus City Hall u Padmaskoŭi zatrymali jašče troch čałaviek. Heta braty Aminčon i Dziłavar Isłomavy i ich baćka Israił, paviedamlaje TASS.
Jak paviedamlaje telehram-kanał 112, napiaredadni ŭsich traich vyklikali na dopyt u SK, a potym zatrymali pa padazreńni ŭ datyčnaści da teraktu.
Ciapier dvoje bratoŭ znachodziacca ŭ statusie abvinavačanych pa artykule ab terakcie, ich baćka — u statusie padazravanaha. Usim trom abrali mieru strymańnia ŭ vyhladzie źmiaščeńnia pad vartu da 22 traŭnia. Prynamsi Aminčon Isłomaŭ, jak śćviardžajecca, u sudzie viny nie pryznaŭ.
Dziłavar Isłomaŭ byŭ apošnim uładalnikam mašyny, jakuju vykarystoŭvali pry napadzie na «Krokus». Śćviardžajecca, što jon pradaŭ jaje za tydzień da teraktu.
Pavodle źviestak, jakija ahučvalisia ŭ sudzie, aryštavanyja — uradžency Tadžykistana. Abodva braty pracujuć taksistami. 25-hadovy Dziłavar Isłomaŭ maje rasijskaje hramadzianstva, a 33-hadovy Aminčon Isłomaŭ — baćka siemiarych dziaciej ad dvuch šlubaŭ. Ich 62-hadovy baćka žyvie ŭ Ćviery na padstavie rasijskaha DNŽ, aficyjna nidzie nie pracuje.
Spravy čatyroch inšych zatrymanych sud razhladaŭ učora, na pasiadžeńnie ich pryvieźli paśla brutalnych katavańniaŭ.
Piaskova spytali nakont katavańniaŭ zatrymanych za terakt u «Krokusie»
Sud u Maskvie aryštavaŭ čaćviarych padazravanych u terakcie ŭ «Krokus Sici Chole». Jany ŭsie žorstka źbityja
Adzin z zatrymanych za terakt byŭ u «Krokusie» jašče 7 sakavika
Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
U rasijskaha śpiecnazaŭca, jaki adrezaŭ vucha zatrymanamu tadžyku, na formie našyŭka z kołavarotam, pryroŭnienym da svastyki
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač17
Kamientary