«Ja krychu bolš staŭ mašynaj». Arnoldu Švarcenehieru pastavili kardyjastymulatar
Pra stan svajho zdaroŭja sam słavuty akcior raskazaŭ u padkaście Arnold's Pump Club.
«U minuły paniadziełak u mianie była apieracyja, kab ja krychu bolš staŭ mašynaj: mnie pastavili kardyjostymulatar», — pažartavaŭ Švarcenehier.
76-hadovy akcior i palityk zajaviŭ, što adčuvaje siabie dobra. Užo praz čatyry dni paśla apieracyi jon źjaviŭsia na publicy na bujnym mierapryjemstvie pa achovie navakolnaha asiarodździa.
Švarcenehier adznačyŭ, što raskazvać pra prablemy sa zdaroŭjem nie pryniata ŭ Aŭstryi, dzie jon naradziŭsia. Ale dadaŭ, što kali čatyry hady tamu publična raskazaŭ pra zamienu sardečnaha kłapana, to atrymaŭ mnostva paviedamleńniaŭ ad ludziej z chvarobami serca. Ludzi dziakavali jamu za toje, što svaim prykładam jon natchniŭ ich na baraćbu.
Raniej Švarcenehier, jaki naradziŭsia z parokam serca, pieranios try apieracyi, padčas jakich jamu zamianiali kłapany. Apošniuju z hetych apieracyj praviali ŭ 2020 hodzie.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary