Stała viadoma, kali źjavicca pieršy dom na miescy daŭhabudu «Hulivier» na Prytyckaha
Učastak budaŭnictva na miescy staličnaha daŭhabuda «Hulivier» vyras amal udvaja i ciapier praktyčna kranaje kinateatr «Aŭrora». Pra heta pišuć «Minsk-Naviny».
Demantažnyja raboty na miescy zastyłaha na 10 hadoŭ daŭhabudu ŭ rajonie vulicy Prytyckaha startavali ŭ studzieni 2023 hoda, a vosieńniu pačali ŭzvodzić pieršy žyły dom.
Pa płanie na hetaj terytoryi źjaviacca dva žyłyja damy pavyšanaj kamfortnaści z padziemnym parkinham, dvuchuzroŭnievy haraž-stajanka na 300 miescaŭ, čatyry budynki bujnapanelnaha domabudavańnia, inžyniernaja infrastruktura, spartyŭnyja i dziciačyja placoŭki. Ahulnaja płošča žyłych pamiaškańniaŭ składzie kala 72 tys. kv. m.
Pieršym abjektam u hienpłanie staić piacisiekcyjny 19-paviarchovy žyły dom pad №1, u jakim raźmieścicca 360 kvater. Uvieści jaho ŭ ekspłuatacyju płanujuć u lutym 2026 hoda.
Budynak budzie mieć karkasnuju kanstrukcyju ź vientylavanym fasadam. Vonkavyja ścieny vykanajuć z błokaŭ jačeistaha bietonu z uciapleńniem ź minieralnaj vaty. Varta adznačyć, što adna-, dvuch– i trochpakajovyja kvatery zdaduć biez azdableńnia.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary