Hruzija vyjšła na čempijanat Jeŭropy pa futbole. I heta miehasiensacyja
U sieryi pienalci hruziny ŭ Tbilisi vyjhrali ŭ Hrecyi — 4:2.
U hrupavym turniry da čempijanatu Jeŭropy hruziny ŭ svajoj hrupie finišavali naohuł čaćviortymi, śledam za Ispanijaj, Šatłandyjaj i Narviehijaj. Hreki — čempijony Jeŭropy ŭ 2004 hodzie — trecimi śledam za Francyjaj i Niderłandami.
Ale dziakujučy turniru Liha Nacyj i tyja, i druhija atrymali šaniec adabracca na kantynientalnaje pieršynstvo praz stykavyja matčy. Tak zvany šlach S.
U paŭfinalnym matčy Hruzija ŭ čaćvier vyjhrała ŭ Luksiemburha — 2:0. A Hrecyja ŭ Afinach razhramiła Kazachstan — 5:0.
A siońnia Hruzija i Hrecyja hulali mini-finał u Tbilisi.
Asnoŭny i dadatkovy čas skončylisia 0:0, a ŭ sieryi pienalci Hruzija biez zorki italjanskaha čempijanatu Chvičy Kvaracchielii, jakoha zamianili na 110-j chvilinie, vyjhrała 4:2.
Upieršyniu ŭ historyi Hruzija (hałoŭny trenier — eks-zorka «Bavaryi», francuz Vili Sańjol) prabiłasia na top-turnir. Jana budzie hulać u adnoj hrupie z Partuhalijaj, Turcyjaj i Čechijaj.
Biełaruś u hety čas hulała tavaryski matč z Maltaj, jaki skončyŭsia ź likam 0:0. Uzrovień.
Praz šlach A na čempijanat Jeŭropy prabivajucca Uels i Polšča,
a praz šlach B — Ukraina i Isłandyja.
Hetyja matčy pačalisia ŭ 22:45.
«Mianie prosta dadali ŭ hrupu ŭ miesiendžary i skinuli kvitki» — biełaruski futbalist pra toje, jak daviedaŭsia pra vyklik u zbornuju
Čamu zbornaja Japonii pa futbole pačynaje ŭsie matčy ŭ dziŭny čas? Hulnia z KNDR startavała ŭ 19:23
Ukraina za 5 chvilin da katastrofy pieraviarnuła matč z Bośnijaj, a Kazachstan razhromleny
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary