Stary dot pad Lachavičami vykarystoŭvajuć dla prapahandy «Vialikaj pieramohi». A jaho budavali dla abarony ad SSSR
Na adzin z prapahandysckich materyjałaŭ dziaržaŭnaha telebačańnia źviarnuŭ u sacsietkach uvahu ŭradženiec Lachavičaŭ. U siužecie «Daroha da Pieramohi. Partyzany Lachavickaha rajona» pakazali stary abarončy žalezabietonny bunkier, na ścianie jakoha vyviedzienyja ličby «1941—1945», piacikancovaja zorka i hieorhijeŭskaja stužka.
Hety žalezabietonny bunkier, ci, jak ich časta nazyvajuć, dot, dla mnohich paznavalny. Jon mieścicca akurat kala darohi Lachavičy-Baranavičy, tamu jamu i vyznačyli rolu prapahandysckaha stenda. Ale voś histaryčnaja asnova dla hetaha — vielmi sumnieŭnaja.
Reč u tym, što dot byŭ pabudavany jašče za polskaj uładaj: u 1937-1939 hadach padčas stvareńnia ŭmacavanaha rajona ŭzdoŭž levaha bieraha Ščary (viadomy jak Baranavicki ŭzmocnieny rajon). Kankretna heta ŭmacavańnie było ŭźviedziena kala vioski Dajniaki ŭ sistemie hrupy sučasnych dotaŭ na adrezku Darava-Łabuzy.
U samim telesiužecie śćviardžajecca, što dot byŭ uźviedzieny ŭ časy Pieršaj suśvietnaj vajny, ale heta niapraŭda. U toj čas jany ŭ hetym rehijonie taksama budavalisia, ale na inšym, zachodnim bierazie Ščary.
Pabudavali, takim čynam, dot jašče ŭ mirny čas, a voś
infarmacyi pra toje, kab doty na hetym adrezku niejak vykarystoŭvalisia ŭ jakaści abarončych zbudavańniaŭ u bajavych dziejańniach u čas Druhoj suśvietnaj vajny, u nadrukavanych daśledavańniach niama. Taksama pra heta nie zhadvali i miascovyja staražyły.
20 hadoŭ tamu doty z hetaj hrupy zbudavańniaŭ mieli, darečy, jašče cełyja broniekaŭpaki, a paśla ich zrezali i pieravieźli na «Liniju Stalina».
Takim čynam, dla prapahandy «Vialikaj Pieramohi savieckaha naroda ŭ Vialikaj Ajčynnaj vajnie» ideołahi vykarystoŭvajuć abjekt, jaki nie maje dačynieńnia ni da «Vialikaj Ajčynnaj vajny», ni da «Vialikaj pieramohi», ni navat da savieckaha naroda. Bolš za toje — metaj jaho pabudovy była abarona ad napadu z boku SSSR.
Čytajcie taksama:
Miemaryjał u Śvietłahorskim rajonie, adkryty 4 hady tamu, užo staviać na rekanstrukcyju
Chto taki Symon Sierafinovič — karnik ź Mira, jakoha chočuć sudzić paśmiarotna
U Mahilovie niščać miesca pachavańnia niamieckich vajennapałonnych
Ad amal 6000 da 270 rubloŭ. Kolki zarablajuć łukašenkaŭskija ideołahi?
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary