Hucuł: Hahauzija źvierniecca da Rasii ŭ vypadku ŭvodu vojskaŭ Małdovy
Jana vykazała nadzieju, što hetaha nie zdarycca.
Kali Małdova ŭ adkaz na abviaščeńnie niezaležnaści Hahauzskaj aŭtanomii (rehijon na poŭdni krainy) uviadzie tudy vojski, to rehijon źvierniecca pa dapamohu da ŭsich, uklučajučy Rasiju, zajaviła kiraŭnik Hahauzii Jaŭhienija Hucuł, piša Point.md sa spasyłkaj na «Kommiersant».
Jana vykazała nadzieju, što hetaha nie zdarycca. Pa jaje słovach, małdavanie nie chočuć ustupleńnia ŭ Jeŭrasiuz (ES).
«Ja spadziajusia na zdarovy sens našych uładaŭ. Ale kali da hetaha dojdzie, to my budziem źviartacca va ŭsie krainy, viadoma, uklučajučy Rasijskuju Fiederacyju»,— skazała Hucuł u intervju. Jana paabiacała, što aŭtanomija «raspačnie niejkija miery».
Pavodle jaje słoŭ, «małdoŭskija ŭłady robiać usio, kab u krainie składvałasia «tryvožnaja atmaśfiera»», ale pieradumoŭ da napadu Rasii na Małdovu Jaŭhienija Hucuł nie bačyć.
«Prezident Respubliki Małdova ŭ mižnarodnych pajezdkach abmiarkoŭvaje niejkija vajskovyja kanflikty, što Rasija choča napaści na Małdovu, choć my takich pieradumoŭ nie bačym»,— zapeŭniła jana.
Jak śćviardžaje Hucuł, Hahauzskaja aŭtanomija i jaje partniory niasuć kałasalnyja straty ad raźviazanaj Małdovaj suprać rehijonu «ekanamičnaj vajny». Sumu strat jana nie pryviała. Palityk taksama śćviardžaje, što žychary nie chočuć dałučeńnia da ES.
«My chočam žyć u suvierennaj, niejtralnaj, niezaležnaj krainy, dzie my budziem siabravać z usimi našymi susiedziami: i z Rasiejskaj Fiederacyjaj, i z Ukrainaj, i z Rumynijaj, i ź Jeŭrapiejskim Źviazam», — skazała Jaŭhienija Hucuł.
Akramia taho, jana raspaviała, što ŭłady aŭtanomii pracujuć nad tym, kab zakuplać haz u «Hazproma». Hucuł raźličvaje, što pieršyja vyniki hetaha pracesu buduć užo chutka.
«My ciapier pracujem nad tym, kab naŭprost zakuplać haz u «Hazproma» biez roznych afšornych kampanij, u jakich ułady Kišyniova ciapier zakuplajuć haz i ad jakich ciapier nam haz da spažyŭca dastajecca ŭ piać-šeść razoŭ daražej»,— udakładniła jana.
U toj ža čas pres-sakratar urada Małdovy Danieł Vode abvierh infarmacyju ab mahčymym zatrymańni Jaŭhienii Hucuł pa vynikach vizitu ŭ Maskvu.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary