Druhaja rakietka śvietu patłumačyła, čamu va Uschodniaj Jeŭropie poŭna zorak tenisa.
Aryna Sabalenka na pres-kanfierencyi pierad startam turniru ŭ Štutharcie adkazała na cikavaje pytańnie. Žurnalisty paprasili biełarusku rastłumačyć, čamu bolšaść top-tenisistak pradstaŭlajuć krainy Uschodniaj Jeŭropy, piša Championat.com.
«My ŭsie vyraśli ŭ ciažkich umovach. My sapraŭdy mocnyja ludzi i bajcy. Ciažka skazać. Heta adzinaje tłumačeńnie, jakoje prychodzić u hałavu. Prynamsi, da mianie heta dakładna adnosicca. Mnie było nialohka, i ja zaŭsiody zmahałasia za svaju maru. Dumaju, što my takija jak by ŭstojlivyja», — skazała Sabalenka.
Topavych tenisistak z Uschodniaj Jeŭropy, sapraŭdy, vielmi šmat. Hety rehijon choć i ŭklučaje ładnuju kolkaść krain, ale amal usie ź ich nievialikija pa płoščy i z małoj kolkaściu nasielnictva. Taksama viadučyja tenisistki Kazachstana majuć rasijskija karani.
U top-10 roŭna pałova tenisistak z Uschodniaj Jeŭropy: Iha Śviontak (Polšča), Aryna Sabalenka (Biełaruś), Alena Rybakina (Kazachstan), Markieta Vondraŭšava (Čechija) i Alena Astapienka (Łatvija). Pryčym Śviontak i Sabalenka źjaŭlajucca pieršaj i druhoj rakietkami śvietu, a Rybakina — čaćviortaja.
Kali brać top-50 rejtynhu, to dola spartsmienak z Uschodniaj Jeŭropy jašče pavialičycca. 29 tenisistak z 50 najlepšych u śviecie — z Uschodniaj Jeŭropy. Biełaruska Viktoryja Azaranka, jakaja ŭ 2012 hodzie była pieršaj rakietkaj śvietu, zajmaje 25-y radok.
Varta zrabić źnižku na toje, što značnaja častka pieraličanych zorak pradstaŭlaje Rasiju (dzieviać), Čechiju (siem) i Ukrainu (piać), ale heta tolki śviedčyć ab raźvitoj škole tenisa ŭ hetych krainach. U mnohich inšych dziaržavach Uschodniaj Jeŭropy jana taksama na hodnym uzroŭni.
Razam z tym u top-50 niama tenisistak z takich bujnych krain Zachodniaj Jeŭropy, jak Ispanija i Hiermanija.
Kamientary
Jana nie razumieje, što jana ŭžo pastaviła siabie jak čałaviek 3ha sortu, usie adno što jana tam miarkuje. Heta jak "historyi pošuku" bamža jaki znajšoŭ niešta na śmietniku dy razbahacieŭ - plavać