Rasijskaha śpievaka Šarłota abvinavačvajuć u «złačynstvach suprać miru i čałaviectva»
«Złačynstvami suprać miru i čałaviectva» ŭ sudzie nazvali dva epizody, jakija staviać u vinu śpievaku.
Tak pres-słužba Samarskaha abłsuda patłumačyła, čamu była adchilenaja apielacyja abarony na aryšt muzyki Eduarda Šarłota. «Złačynstvami suprać miru i čałaviectva» ŭ sudzie nazvali dva epizody «reabilitacyi nacyzmu», jakija staviać u vinu śpievaka, piša «Novaja hazieta».
Taksama ŭ pres-słužbie dadali, što muzyku vinavaciać u «ździajśnieńni złačynstva, nakiravanaha suprać kanstytucyjnych pravoŭ i svabod čałavieka i hramadzianina» — havorka idzie ab artykule ab «parušeńni prava na svabodu sumleńnia i vieravyznańniaŭ».
Učora Šarłot źjaviŭsia ŭ filmie «Zamiežnyja ahienty» karespandenta «Rasii 24» Arkadzia Mamantava. Śpiavak zajaviŭ, što hladzieŭ videa Michaiła Chadarkoŭskaha, Maksima Kaca, a taksama Dźmitryja Ivanova (kamikadze_d), u vyniku čaho trapiŭ pad «svajho rodu hipnoz».
Padstavaj dla pieraśledu śpievaka stali videa, apublikavanyja im letam 2023 hoda. U adnym ź ich śpiavak spaliŭ pašpart Rasii, a ŭ druhim — prybiŭ da raśpiaćcia fatahrafiju patryjarcha Kiryła i svoj vajskovy bilet. Taksama jon zajaŭlaŭ, što choča pierajechać u Kijeŭ. Adnak u listapadzie 2023 hoda jaho zatrymali ŭ aeraporcie Pieciarburha padčas viartańnia ŭ krainu.
Paśla Eduard Šarłot vybačyŭsia pierad Uładzimiram Pucinym za toje, što razarvaŭ fota ź jaho partretam. Svaju pramovu z vybačeńniami śpiavak ahučyŭ na pasiadžeńni suda ŭ studzieni, dzie razhladałasia apielacyja na jaho aryšt.
«Razarvaŭ fota pad pieśniu Ihara Talkova z vašym partretam, nie razumiejučy navošta, nie tojačy nijakaj złości na vas ci vidavočnaj niazhody ŭ niejkim palityčnym pytańni…> Prašu ŭ vas, Uładzimir Uładzimiravič, prabačeńnia za najdurniejšy videaŭčynak, vystaŭleny napakaz», — skazaŭ Šarłot u Samarskim abłasnym sudzie.
Taksama śpiavak paprasiŭ prabačeńnia pierad patryjarcham Maskoŭskim i ŭsioj Rusi Kiryłam (raniej jon napisaŭ jamu list), vieteranami Vialikaj Ajčynnaj vajny, kiraŭnikom «Lihi biaśpiečnaha Internetu» Kaciarynaj Mizulinaj i «ŭsimi hramadzianami Rasii».
Suprać Šarłota raspačata niekalki kryminalnych spraŭ. Pa słovach Mizulinaj, dźvie spravy — pa artykule ab reabilitacyi nacyzmu (č. 4 art. 354.1 KK), adna — pa artykule ab abrazie pačućciaŭ viernikaŭ (art.148 KK). Akramia taho, muzykantu vystaŭlenyja abvinavačvańni za spaleńnie rasiejskaha pašparta (art.325 KK).
Śpiavak Šarłot, jaki razarvaŭ rasijski pašpart, vybačyŭsia i pierad Pucinym, i patryjarcham Kiryłam
«Rośsija, nahrubił tiebie s poroha». Šarłot pryznaŭ vinu ŭ «reabilitacyi nacyzmu» i vybačyŭsia pierad «ruskim narodam»
Na rasijskaha śpievaka Šarłota zaviali kryminalnuju spravu za «reabilitacyju nacyzmu» i «abrazu pačućciaŭ viernikaŭ»
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary