Śpiavak Šarłot, jaki razarvaŭ rasijski pašpart, vybačyŭsia i pierad Pucinym, i patryjarcham Kiryłam
Suprać śpievaka raspačata niekalki kryminalnych spraŭ u Rasii.
Śpiavak Eduard Šarłot vybačyŭsia pierad prezidentam Rasii Uładzimiram Pucinym za toje, što razarvaŭ fota ź jaho partretam. Svaju pramovu z vybačeńniami śpiavak ahučyŭ na pasiadžeńni suda, dzie razhladałasia apielacyja na jaho aryšt, piša RBK.
«Razarvaŭ fota pad pieśniu Ihara Talkova z vašym partretam, nie razumiejučy navošta, nie tojačy nijakaj złości na vas ci vidavočnaj niazhody ŭ niejkim palityčnym pytańni…> Prašu ŭ vas, Uładzimir Uładzimiravič, prabačeńnia za najdurniejšy videaŭčynak, vystaŭleny napakaz», — skazaŭ Šarłot u Samarskim abłasnym sudzie.
Taksama śpiavak paprasiŭ prabačeńnia pierad patryjarcham Maskoŭskim i ŭsioj Rusi Kiryłam (raniej jon napisaŭ jamu list), vieteranami Vialikaj Ajčynnaj vajny, kiraŭnikom «Lihi biaśpiečnaha Internetu» Kaciarynaj Mizulinaj i «ŭsimi hramadzianami Rasii».
Suprać Šarłota raspačata niekalki kryminalnych spraŭ. Pa słovach Mizulinaj, dźvie spravy — pa artykule ab reabilitacyi nacyzmu (č. 4 art. 354.1 KK), adna — pa artykule ab abrazie pačućciaŭ viernikaŭ (art.148 KK). Akramia taho, muzykantu vystaŭlenyja abvinavačvańni za spaleńnie rasiejskaha pašparta (art.325 KK).
U śniežni 2023 hoda sud abraŭ muzyku aryšt u jakaści miery strymańnia pa kryminalnaj spravie ab reabilitacyi nacyzmu i adpraviŭ jaho ŭ SIZA da 24 studzienia 2024 hoda. Pavodle viersii śledstva, śpiavak na staroncy ŭ Instagram apublikavaŭ roliki, «jakija apahańvajuć vajskovuju słavu».
***
Padstavaj dla pieraśledu śpievaka stali videa, apublikavanyja im uletku. U adnym ź ich śpiavak spaliŭ pašpart Rasii, a ŭ druhim — prybiŭ da raśpiaćcia fatahrafiju patryjarcha Kiryła i svoj vajskovy bilet. Taksama jon zajaŭlaŭ, što choča pierajechać u Kijeŭ. Adnak u listapadzie jaho zatrymali ŭ aeraporcie Pieciarburha padčas viartańnia ŭ krainu.
Za «reabilitacyju» nacyzmu Šarłotu moža pahražać da troch hadoŭ źniavoleńnia. Taksama śpievaku moža pahražać da piaci hadoŭ źniavoleńnia za spalvańnie pašparta RF i antyvajennyja vykazvańni.
U Sankt-Pieciarburhu zatrymali śpievaka, jaki spaliŭ pašpart. Jaho prymusili vybačacca na videa
Na rasijskaha śpievaka Šarłota zaviali kryminalnuju spravu za «reabilitacyju nacyzmu» i «abrazu pačućciaŭ viernikaŭ»
«Rośsija, nahrubił tiebie s poroha». Šarłot pryznaŭ vinu ŭ «reabilitacyi nacyzmu» i vybačyŭsia pierad «ruskim narodam»
Ciapier čytajuć
Pamiłavanyja 15 čałaviek, siarod jakich 13 palitviaźniaŭ2
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
tolko intiellektualno ohraničiennyje invalidy zamykajutsia tolko na čiem-to odnom, nie smotria po storonam i nie izučaja čužoj opyt, čužije ošibki...
raźvivajsia, parień.