Dabračynnyja fondy abviaścili zbor na letnija vakacyi dla dziaciej palitviaźniaŭ
Tradycyjnaja dziciačaja akcyja ładzicca sioleta prajektam «Chutkaja humanitarnaja dapamoha», kudy ŭvachodziać fondy «Bajsoł», «Bajchiełp», «Kraina dla žyćcia», Dissidentby i Asacyjacyja biełaruskaha biznesu za miažoj. Heta zbor pierad vakacyjami, nakiravany na toje, kab biełarusy nie pačuvalisia pakinutymi.
«Mižnarodny dzień abarony dziaciej adznačajecca štohod 1 červienia. Hety dzień nahadvaje pra nieabchodnaść padtrymańnia ŭmovaŭ dla ščaślivaha i biaśpiečnaha dziacinstva kožnaha dziciaci. Ciaham voś užo čatyroch hadoŭ napiaredadni hetaha dnia startuje akcyja dla dziaciej palitviaźniaŭ. Štoraz my nahadvajem hramadskaści, ź jakimi vyklikami i ciažkaściami sutykajucca siemji palitviaźniaŭ ź dziećmi. U mnohich siemjach srodkaŭ chapaje tolki na toje, kab zakryć bazavyja patreby.
Za ŭsiu historyju dziciačych akcyj na sajcie fondu «Bajsoł» było padtrymana bolš za 1600 zajavak», — kažuć arhanizatary.
Pa vynikach akcyi na kožnaje dzicia da 16 hadoŭ budzie vypłačanaja dapamoha 100 jeŭra. Pakul zajaŭlenaja suma — 20 000 jeŭra. Zajaŭki buduć prymacca pa 19 maja ŭklučna.
Kab atrymać dapamohu, treba zapoŭnić formu.
Dapamahčy dzieciam palitviaźniaŭ
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary