Vyjaŭlenyja ŭ pačatku miesiaca niedachopy byli vypraŭlenyja.
Ministerstva achovy zdaroŭja infarmuje, što ad siońnia admieniena ŭviedzienaja pastanovaj namieśnika ministra — hałoŭnaha dziaržaŭnaha sanitarnaha doktara Biełarusi ad 1 krasavika časovaja sanitarnaja miera pa zabaronie ŭvozu i prodažu na terytoryi krainy pradukcyi vytvorčaści TAA «Arymi».
Paviedamlajecca, što rašeńnie pryniata na padstavie pradstaŭlenych TAA «Arymi» dokazaŭ, jakija paćviardžajuć pieralik i efiektyŭnaść praviedzienych karektujučych mierapryjemstvaŭ, stabilnaść pracesaŭ vytvorčaści, zachoŭvańnia, transparciroŭki pradukcyi, a taksama dziejsnaści sistemy kantrolu biaśpieki dy inš.
Raniej było zajaŭlena, što čornaja harbata marak «Pryncesa Kandzi» i «Pryncesa Hita» nie adpaviadaje techrehłamientu Mytnaha sajuza pa pakazčykach biaśpieki. U pryvatnaści, u pradukcyi vyjavili pieravyšeńnie dapuščalnaha ŭzroŭniu ćvili.
Pastanovaj namieśnika ministra achovy zdaroŭja — hałoŭnaha sanitarnaha doktara ad 1 krasavika była nakładzienaja zabarona na prodaž hetaj harbaty na terytoryi Biełarusi.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary