Z 25 krasavika SIZA № 1 na vulicy Vaładarskaha ŭ Minsku spyniaje pryjom pieradač dla źniavolenych, pryčyna — «rasfarmiravańnie i pierajezd śledčaha izalatara», paviedamiła 24 krasavika pravaabarončaja inicyjatyva Dissidentby.
Viaźniaŭ pieraviazuć u Mahileŭ i Žodzina, a taksama ŭ novyja Kaladzičy. Kali pačnuć prymać pieradačy i jaki adras dla listoŭ, pakul nieviadoma.
Pa infarmacyi dissidentby, jak minimum 42 palityčnyja źniavolenyja znachodziacca na Vaładarcy.
Razmovy pra budaŭnictva novaha budynku SIZA pad Minskam i pieradačy Piščałaŭskaha zamka ŭ rasparadžeńnie Mienharvykankama, jak paviedamlali miedyja, vialisia jašče z kanca 1990-ch hadoŭ. Zamak mieŭsia być adrestaŭravany, a ŭsio astatniaje płanavałasia źnieści. Novaje SIZA musiła paŭstać u pramysłovaj zonie «Kaladzičy», ale ŭviadzieńnie ŭ ekspłuatacyju ŭvieś čas pieranosili.
Raniej pradstaŭniki «Bajpoł» paviedamlali, što na budaŭnictva SIZA-1 i respublikanskaj ahulnasamatyčnaj balnicy ŭ 2023 hodzie budzie vydatkavana bolš jak 52 młn rubloŭ (18,7 młn dalaraŭ pavodle płanavanaha siaredniaha kursu na 2023 hod).
Kamientary