Tanki akazalisia zanadta ŭraźlivymi.
Ukrainskaja armija vyvieła z frontu amierykanskija tanki Abrams M1A1 z-za rasijskich raźviedvalnych i ŭdarnych dronaŭ, jakimi ciapier kišyć pavietranaja prastora nad polem boju. Tanki akazalisia zanadta ŭraźlivymi pierad dronami, — piša ahienctva Associated Press (AP).
Ab vyvadzie ŭkraincami «Abramsaŭ» z frontu žurnalistam na ŭmovach ananimnaści raspaviali dva amierykanskija vajennyja čynoŭniki, a namieśnik staršyni Abjadnanaha kamiteta načalnikaŭ štaboŭ ZŠA ŭ intervju skazaŭ, što amierykanskija i ŭkrainskija vajskoŭcy zaraz razam dumajuć, jak ich prymianiać.
ZŠA pieradali Ukrainie 31 tank «Abrams» u studzieni 2023 hoda. Tady płanavałasia, što hetyja i inšyja pieradadzienyja sajuźnikami tanki dapamohuć ukrainskaj armii prarvać rasijskija linii abarony i advajavać akupavanyja terytoryi.
Ale z tych časoŭ situacyja mocna źmianiłasia: pavietra nad linijaj frontu kišyć dronami. «Niama adkrytaj prastory, praź jakuju možna prosta prajechać, kab nie bajacca być zaŭvažanym», — patłumačyŭ žurnalistam adzin z vajskovych čynoŭnikaŭ.
Pavodle jaho słoŭ, piać z 31 «Abramsa» ŭžo źniščanyja.
«Kali kazać pra toje, jak źmianiłasia technika boju, masiravanaja brania ŭ asiarodździ, nasyčanym bieśpiłotnymi pavietranymi aparatami, moža być pad pahrozaj», — skazaŭ u intervju AP namieśnik staršyni Abjadnanaha kamiteta načalnikaŭ štaboŭ uzbrojenych sił ZŠA admirał Krystafier Hrejdzi.
«My budziem pracavać z našymi ŭkrainskimi partniorami i inšymi partniorami na miescy i dapamožam im pradumać, jak prymianiać hetuju techniku ŭ takoj abstanoŭcy», — paabiacaŭ admirał Hrejdzi.
Rasijskaja armija raźvivaje nastup u Danieckaj vobłaści. Ukrainskija vajskoŭcy adčajna sprabujuć stabilizavać front
Rasijskija vojski zachapili Bahdanaŭku na bachmuckim kirunku
Časaŭ Jar. Čamu rasijanam tak važna zachapić hety horad
Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie
Ciapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić23
Kamientary