Kadyraŭ pryznačyŭ svajho 16-hadovaha syna kurataram pryvatnaha ŭniviersiteta śpiecnaza imia Pucina
Svajaki i blizkija Ramzana Kadyrava rehularna atrymlivajuć uznaharody roznych uzroŭniaŭ i pasady ŭ Čačni.
Kiraŭnik Čačenskaj respubliki Ramzan Kadyraŭ pryznačyŭ svajho syna Adama kurataram «Rasijskaha ŭniviersiteta śpiecnaza imia Uładzimira Pucina» ŭ Hudermiesie, ab čym napisaŭ u svaim telehram-kanale.
«Pa prośbie darahoha brata, kiraŭnika RUS Bajbietara Vajchanava, ja pryniaŭ rašeńnie pryznačyć Adama Kadyrava kurataram RUS. Jon ciesna znajomy ź dziejnaściu znakamitaha ŭniviersiteta, tamu ja liču, što vydatna spravicca z uskładzienymi abaviazkami», — napisaŭ Kadyraŭ.
Kadyravu-małodšamu pačali ŭručać uznaharody i pryznačać jaho na vysokija pasady paśla taho, jak jon źbiŭ u śledčym izalatary abvinavačanaha ŭ spaleńni Karana Mikitu Žuraŭla, jakoha paźniej pryhavaryli da 3,5 hoda kałonii, piša «Nastojaŝieje vriemia»
Tym časam Adam Kadyraŭ staŭ «Hierojem Čačni», načalnikam adździeła harantavańnia biaśpieki svajho baćki i kurataram bataljona imia šejcha Mansura.
Svajaki i blizkija Ramzana Kadyrava rehularna atrymlivajuć uznaharody roznych uzroŭniaŭ i pasady ŭ Čačni. Tak, 16 lutaha jaho starejšuju dačku ŭznaharodzili ordenam tak zvanaj «DNR». Za niekalki dzion da hetaha druhaja dačka Kadyrava, 24-hadovaja Chadzižat, była pryznačanaja pieršym namieśnikam kiraŭnika administracyi i ŭrada Čačni.
Kadyraŭ vykłaŭ videa sa spartyŭnaj zały na fonie navinaŭ pra niebiaśpiečnuju chvarobu
Dačka Ramzana Kadyrava atrymała ŭznaharodu za ŭkład u «raźvićcio pradprymalnictva». Jana zaniałasia biznesam hod tamu
Chłopcu, jaki spaliŭ Karan i jakoha źbiŭ syn Kadyrava, dali try z pałovaj hady kałonii
Ramzan Kadyraŭ pryznačyŭ svajho 18-hadovaha syna ministram
Kamientary