Ułady Niepała padklučać bieśpiłotnyja latalnyja aparaty, kab prybrać śmiećcie sa schiłaŭ samaj vysokaj u śviecie hary Evierest (inšaja nazva Džamałunhma). Dastaŭlać śmiećcie ź viaršyni buduć u bazavy łahier, dzie jaho pierapracujuć, paviedamlaje hazieta The Himalayan Times.
Pavodle infarmacyi vydańnia, vyprabavańni hruzavych bieśpiłotnikaŭ užo pačalisia. Paloty bieśpiłotnikaŭ, jakija źbirajuć śmiećcie, kaardynujuć ź niekalkimi viedamstvami, kab nie pieraškadžać viertalotam i inšaj pavietranaj technicy ŭ hetaj zonie.
Jak udakładnili pradstaŭniki ŭładaŭ, dla ačystki schiłaŭ płanujuć vykarystoŭvać bieśpiłotniki DJI FlyCart 30 hruzapadymalnaściu da 30 kh.
Za minuły hod u rehijonie sabrali amal 35 ton śmiećcia z hornych viaršyniaŭ Himałajaŭ. Sioleta, pavodle papiaredniaj acenki, kala 10 ton śmiećcia i jak minimum piać ciełaŭ zahinułych raźličvajuć spuścić z Evieresta i pikaŭ Łchacze i Nupcze.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary