Žyvatvorny ahoń ź Ijerusalima sioleta svoječasova ŭ Biełaruś nie prybudzie
Žyvatvorny ahoń, vyniesieny 4 maja ź Ijerusalimskaha chrama Truny Haspodniaj, sioleta dastaviać u Biełaruś nie da pačatku vielikodnaha nabaženstva ŭ viečar Vialikaj Suboty, jak heta było raniej, a niadzielnaj ranicaj, niepasredna ŭ dzień Vialikadnia — 5 maja, paviedamiŭ Biełaruski ekzarchat RPC.
Fota: church.by
Pavodle paviedamleńnia na sajcie BPC, zatrymka źviazanaja z «situacyjaj, jakaja ŭskładniłasia ŭ [blizkaŭschodnim] rehijonie».
«Čakajecca, što łampada z Žyvatvornym ahniom prybudzie ŭ Śviata-Duchaŭ kafiedralny sabor horada Minska ŭ 9:00 da pačatku Božaj Liturhii. Śviatyniu buduć sustrakać pradstaŭniki jeparchij Biełaruskaj pravasłaŭnaj carkvy, kab zatym dastavić jaje ŭ roznyja harady i vioski Biełarusi», — havorycca ŭ paviedamleńni.
Kamientary