Pry naradžeńni ŭ ich na dvaich było try nahi, čatyry ruki i adzin pienis.
Jak piša Daily Mail, chłopčyki-bliźniaty ź vielmi redkaj formaj złučeńnia ŭ vobłaści taza Ischiopagus Tripus, jakaja sustrakajecca ŭ adnym vypadku na 2 miljony, naradzilisia ŭ Indaniezii ŭ 2018 hodzie.
U ich na dvaich try nahi (ź ich adna źlitaja ź dźviuch i nie funkcyjanuje), čatyry ruki i adzin pienis. Bliźniaty taksama majuć adzin mačavy puzyr, pramuju kišku i kišečnik. Pa słovach daktaroŭ, u adnaho z chłopčykaŭ słabaraźvitaja levaja nyrka, a ŭ druhoha jana tolki adna.
U baćkoŭ da ich naradžeńnia było dvoje dziaciej. U siamji nie było nijakich miedycynskich prablem. A maci nie paviedamlała ni pra jakija ŭskładnieńni pad čas ciažarnaści.
Bliźniaty ad naradžeńnia nie mahli sieści i vymušany byli na praciahu pieršych troch hadoŭ žyćcia lažać. Ale paźniej kamanda chirurhaŭ praviała składanuju apieracyju pa amputacyi treciaj nahi i stabilizacyi ściahna i tazavaj kostki.
Ab tym, jak była praviedziena apieracyja, śpiecyjalisty raskazali ŭ artykule na staronkach American Journal of Case Reports. Nieviadoma, praŭda, kolki praciahvałasia apieracyja, ale paśla jaje ŭ bliźniat nie było nijakich uskładnieńniaŭ na praciahu nastupnych troch miesiacaŭ nazirańnia.
Daktary zaŭvažajuć, što apieracyja dazvoliła bliźniatam nie tolki sieści, ale i stvaryła mahčymaść dla taho, kab jany mahli ŭstać.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4949
Kamientary