Ukraina pakazała načynku «Arešnika»: elektronika vyrablenaja na minskim «Intehrale». Toje samaje z kryłatymi rakietami
Padčas sustrečy ź jeŭrapiejskimi pasłami ŭ Kijevie ŭkrainski bok zaklikaŭ da bolš žorstkaha kantrolu za dostupam Biełarusi da zamiežnaj elektroniki.
Pradstaŭniki Ofisa prezidenta Ukrainy praviali sustreču z pasłami jeŭrapiejskich krain, na jakoj abmierkavali ŭzmacnieńnie sankcyj suprać Rasii.
Jeŭrapiejskim dypłamatam pakazali abłomki rasijskich rakiet «Cyrkon», «Kalibr», Ch-101 i bieśpiłotnikaŭ «Hierań-2», jakimi Rasija atakavała Ukrainu ŭ noč na 24 maja.
Jak vyjaviłasia, u hetaj zbroi stajać kampanienty, vyrablenyja ŭ Šviejcaryi, Hiermanii, ZŠA, Vialikabrytanii, Japonii, Kitai i inšych krainach, pryčym niekatoryja detali byli vypuščany ŭ hetym hodzie. Dla paraŭnańnia pasłam pakazali staryja płaty ad snaradaŭ «Hrad», jakija składajucca tolki z rasijskich i biełaruskich detalaŭ 2004—2014 hadoŭ vytvorčaści.
Pavodle ŭkrainskaha boku, važna taksama ŭzmacnić kantrol za dostupam Biełarusi da zamiežnaj elektroniki. Niekatoryja kampanienty, jakija źmiaščajucca ŭ rasijskich rakietach, byli vyrableny na minskim zavodzie «Intehrał», u tym liku mikraschiemy i płaty dla kryłatych rakiet i rakiety «Arešnik».
Biez dapamohi ci pramysłovaj bazy inšych krain, Rasija nie ŭ stanie nanosić takija maštabnyja ŭdary, zajaŭlaje ŭkrainski bok.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary