Asudžany na 13 hadoŭ palitviazień Kirył Ašurak pieranios u źniavoleńni mikrainsult
Na 26‑hadovaha palitźniavolenaha i fihuranta spravy «Atrady hramadzianskaj samaaabarony Biełarusi» ŭ źniavoleńni adbyvajecca cisk.
U mahiloŭskaj kałonii № 15 jaho pieryjadyčna źmiaščali ŭ štrafny izalatar, paśla jaho źmiaścili ŭ pamiaškańnie kamiernaha typu, piša «Viasna».
Pavodle infarmacyi pravaabaroncaŭ ciapier palitviaźnia asudzili pavodle art. 411 KK (złosnaje niepadparadkavańnie administracyi kałonii). Pavodle novaha prysudu termin jon budzie adbyvać u kałonii strohaha režymu № 9 u Horkach.
Viadoma, što ŭ Kiryła vielmi ciažki stan zdaroŭja. Jon maje šerah surjoznych zachvorvańniaŭ, a naprykancy 2025 hoda ŭ palitviaźnia zdaryŭsia mikrainsult.
Pavodle infarmacyi «Viasny», Kirył nie bačyŭsia z rodnymi ŭžo try hady.
Kiryłu Ašurku prysudzili 13 hadoŭ kałonii va ŭmovach uzmocnienaha režymu i štraf 400 bazavych adzinak (12 800 rubloŭ) pavodle č. 2 art. 290-4 (udzieł u dziejnaści terarystyčnaj arhanizacyi), č. 6 art. 16 i č. 2 art. 289 (pamahaty ŭ akcie teraryzmu) Kryminalnaha kodeksa.
Jaho asudzili pa spravie «Atrady hramadzianskaj samaabarony Biełarusi», jakuju ŭ Biełarusi pryznali terarystyčnaj arhanizacyjaj. Pa spravie taksama prachodzili — Dźmitryj Sasnoŭski, Alaksiej Hłotaŭ, Natalla Maćviejeva, Vadzim Hulevič Im inkryminujucca try epizody — sproba padryvu vuzła suviazi Vajskova-marskoha fłotu Rasiei ŭ Vilejcy, zamach na prapahandysta Ryhora Azaronka i sproba źniščyć lesanarychtoŭčuju techniku ŭ lashasach.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary