U Minsku braty-bliźniuki kidali pić niezvyčajnym sposabam: kuryli marychuanu
Vynik — chatniaja chimija dla abodvuch.
Fota: Mr.Suchat Beathaisong / Vecteezy
Sud Partyzanskaha rajona Minska vynies prysud dvum 40-hadovym bratam z vulicy Uralskaj, jakich abvinavačvali ŭ nabyćci i zachoŭvańni narkotykaŭ.
Jany pračytali ŭ internecie, što ad ałkaholnaj zaležnaści možna pazbavicca šlacham kureńnia marychuany, i vyrašyli pravieryć na sabie.
Supracoŭniki narkakantrolu vyjavili ŭ kvatery mužčyn bolš za 0,1 h hašyšu i 270 h marychuany, a taksama prystasavańni dla ich užyvańnia. U dačynieńni da bratoŭ zaviali kryminalnuju spravu. Vinu jany całkam pryznali, u zroblenym raskajalisia.
Braty pracujuć na adnym sa staličnych zavodaŭ, raniej da kryminalnaj adkaznaści nie pryciahvalisia.
Abodvum prysudzili pa 3 hady chatniaj chimii. Ciapier im nielha ni pić, ni kuryć marychuanu.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary