Stała viadoma, kolki sioleta vydzielili miescaŭ u VNU dla alimpijadnikaŭ
Vice-premjer Ihar Pietryšenka pierad pasiadžeńniem dziaržaŭnaj kamisii pa kantroli za ŭstupnaj kampanijaj raskazaŭ, kolki biudžetnych miescaŭ dla alimpijadnikaŭ, jakija mohuć pastupić u VNU biez ekzamienaŭ, vydzielili sioleta i kolki ŭsiaho abituryjentaŭ zapłanavali pryniać, paviedamlaje BiełTA.
Tak, pa słovach namieśnika premjer-ministra, u VNU dla budučych studentaŭ vydzielili bolš za 50 tys. miescaŭ (ź ich biudžetnych — zvyš 31 tys., płatnych — kala 19 tys.), u kaledžach — kala 39 tys., a dla alimpijadnikaŭ u VNU praduhledzieli 677 miescaŭ.
«Pieramožcy abłasnych alimpijad majuć prava pastupić biez ekzamienaŭ u rehijanalnyja VNU, a taksama na zapatrabavanyja ekanomikaj śpiecyjalnaści: piedahahičnyja, sielskahaspadarčaha profilu i inšyja», — pracytavała Pietryšenku BiełTA.
Čynoŭnik nahadaŭ, što pastupić biez ekzamienaŭ mohuć taksama pieramožcy ŭniviersiteckich alimpijad, jakija prajšli ŭ lutym u rehijanalnych VNU, i pieramožcy zaklučnaha etapu respublikanskaj alimpijady, jakuju praviali ŭ sakaviku.
Rektar BDUKM Natalla Karčeŭskaja: Łaŭreat śpiecfondu pa padtrymcy talenavitaj moładzi admoviŭsia zastacca ŭ Minsku i paprasiŭsia na radzimu — u Niaśvižski rajon
Niekatoryja 11-kłaśniki, jakija płanujuć pastupać za miažu, nie mohuć atrymać u Minadukacyi patrebnuju daviedku
BDUIR nabiare bolš metavikoŭ. Ajcišnikaŭ zabiaruć siłaviki, vajenpram, «Kamunarka»
Kamientary