Vyjšła z druku kniha historyka Juryja Hryboŭskaha «Biełarusy ŭ polskim vojsku (1919—1947), paviedamlaje Biełaruski instytut publičnaj historyi. Heta novaje, papraŭlenaje i dapoŭnienaje vydańnie manahrafii taho ž aŭtara, jakaja ŭpieršyniu źjaviłasia ŭ 2006 hodzie i chutka razyšłasia.
Kniha raskazvaje pra ŭdzieł biełarusaŭ u rehularnych farmavańniach Polskaha Vojska ŭ pieryjad polska-savieckaj vajny, mižvajenny čas, u hady Druhoj suśvietnaj vajny i krychu paśla jaje zakančeńnia.
Hetaje vydańnie — vynik šmathadovaj pracy ŭ archivach Polščy, Biełarusi, Vialikabrytanii, Niamieččyny, Litvy, Kanady i Rasii. Aŭtar aśviatlaje adzin z najbolš trahičnych i składanych pieryjadaŭ u historyi biełarusaŭ i palakaŭ, pakazvaje sapraŭdnaje bajavoje braterstva, zmacavanaje kryvioj abodvuch narodaŭ.
Historyk zasiarodziŭ uvahu na takich aśpiektach, jak staŭleńnie polskich hramadzian biełaruskaj nacyjanalnaści da vykanańnia žaŭnierskaha abaviazku, palityka polskich uład da vajskoŭcaŭ-biełarusaŭ, ich udzieł u bajavych dziejańniach na terytoryi Polščy, Biełarusi, Italii, Francyi, Hałandyi, Bielhii, Niamieččyny, Brytanii, Narviehii, Paŭnočnaj Afryki, na Atłantyčnym akijanie. Jon daśleduje taksama paślavajenny los hetych ludziej.
Kniha pryśviečanaja dziasiatkam tysiač biełarusaŭ, jakija achviarna zmahalisia ŭ polskich vajskovych mundzirach, adnak praciahły čas byli zabytymi na baćkaŭščynie.
Prezientacyja knihi adbudziecca ŭ Varšavie 28 traŭnia.
Vyjšła novaja kniha Maksima Znaka «Zekamieron. Vieršy. Hutarki»
«Kapitan Latučaja Ryba» — heta napraŭdu novy Bacharevič: hareźlivy i vielmi friendly (narešcie!) da čytača
«Anijakich ni lehiend za im, ni historyj, za jaho kroŭ nie pralivaŭ nichto». Historyk Alaksandr Paškievič pra čyrvona-zialony ściah
Ciapier čytajuć
Dyrektarka etałonnaha kałhasa ŭ Dobrušy 12 hadoŭ chavała padziež i źbivała padnačalenych. Adnaho sprabavała nakarmić siłasam25
Kamientary