U Hrodnie 23 maja ŭračysta adkryli i aśviacili biust mitrapalitu Iosifu (Siamašku), jaki adyhraŭ adnu z najvažniejšych rolaŭ u likvidacyi na terytoryi Biełarusi Bresckaj carkoŭnaj unii i prymusovym pieravodzie prodkaŭ sučasnych biełarusaŭ z hreka-katalickaj u pravasłaŭnuju vieru, piša Sputnik.
Biust na marmurovym pastamiencie pastavili na placoŭcy kala ŭvachodu ŭ chram Hrodzienskaha Rastva-Baharodzičnaha žanočaha manastyra.
Na tabličcy paznačanyja hady žyćcia Iosifa Siamaški, a taksama vybityja frazy «Ottorhnuty nasilijem (1596)» i «Vossojedinieny s lubov́ju (1839)». Adrazu paśla likvidacyi unii hetyja samyja frazy z prapahandysckimi, ale nie adpaviednymi histaryčnaj rečaisnaści śćviardžeńniami vybivalisia na prynahodnych miedalach.
Vychadziec z Ukrainy (ciapierašniaja Vińnickaja vobłaść) mitrapalit Iosif Siamaška byŭ hałoŭnym arhanizataram Połackaha sabora 1839 hoda, jaki pryniaŭ rašeńnie ab «uźjadnańni» ŭnijataŭ z rasijskim pravasłaŭjem. Adkryty ŭ Hrodnie biust Iosifu Siamašku — pieršy pomnik hetamu histaryčnamu piersanažu na terytoryi Biełarusi.
Vystupajučy na adkryćci biusta, mitrapalit Minski i Zasłaŭski Vienijamin adznačyŭ, što Siamaška «arhanizavaŭ najvažniejšuju na biełaruskich ziemlach histaryčnuju padzieju». Praces pieravodu ŭnijataŭ u pravasłaŭje, maŭlaŭ, «prachodziŭ udumliva i na dobraachvotnaj asnovie», a vynikam jahonym staŭ «prychod mižkanfiesijnaha miru na biełaruskich ziemlach».
Siłaviki z troch uschodnich abłaściej užo pamalilisia pierad kapsułaj ź ziamloj. Inšyja na čarzie
Mitrapalit Vienijamin zajaviŭ, što prykryvajučysia łozunhami demakratyi, Zachad zaachvočvaje «nacyscki režym»
Kiraŭnik BPC Vienijamin adšukaŭ padabienstva pamiž Novym Zapavietam i Kanstytucyjaj
Mitrapalit Vienijamin panarakaŭ, što dzieci znachodziać prykłady dla pierajmańnia ŭ tyktoku
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
uźjadnanyja hvałtam