Kiraŭnik BPC Vienijamin adšukaŭ padabienstva pamiž Novym Zapavietam i Kanstytucyjaj
Dla krainy važna nie stracić duchoŭny padmurak, zajaviŭ u efiry ANT mitrapalit Minski i Zasłaŭski, Patryjaršy ekzarch usioj Biełarusi Vienijamin, kamientujučy, jak na Zachadzie chryścijanstva nibyta zamianiajuć inšaj relihijaj, piša BiełTA.
«Bohu — Božaje, kiesarava — kiesaru. Heta značyć, vielmi važna, kab my nie ssoŭvali akcenty ŭ žyćci hramadstva, sastupajučy pazicyi duchoŭnyja, kab jany ŭsio ž taki zajmali svajo hodnaje miesca i čałaviek u paŭsiadzionnym svaim žyćci viartaŭsia da Zakona Božaha i hladzieŭ, jak pravilna pastupać u adpaviednaści ź im, — skazaŭ mitrapalit Vienijamin. — Kali ž ludzi buduć źmianiać svajo žyćcio nasupierak Zakonu Božamu, jaki napisany na ŭsie časy dla ŭsich narodaŭ, to ničoha dobraha ad hetaha nie budzie, hublajecca duchoŭny padmurak i jak śledstva hetaha — razburajecca ŭsio».
«Važnaść ustojlivaha raźvićcia hramadstva zaklučajecca ŭ tym, što, z adnaho boku, kožny čałaviek budzie staracca aryjentavacca na tradycyjnyja chryścijanskija kaštoŭnaści, jakija vykładzieny ŭ Novym Zapaviecie i jakija pieradajucca z pakaleńnia ŭ pakaleńnie. Heta nieparušnyja padstavy, — dapoŭniŭ mitrapalit Vienijamin.
— Ź inšaha boku, my bačym i ŭdziačnyja Łukašenku i tym, chto dapracoŭvaŭ tekst Kanstytucyi, što tam zamacavanyja duchoŭna-maralnyja kaštoŭnaści biełaruskaha naroda. I nam važna vykonvać Asnoŭny zakon našaj krainy i inšyja zakony».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary