U baćkoŭ viciebskaha žurnalista Alaksandra Kornyšava znoŭ praviali pieratrus
Redaktar internet-vydańnia Alaksandr Kornyšaŭ ź listapada 2020 hoda žyvie ŭ zamiežžy. 23 maja siłaviki pryjšli ź pieratrusam pa miescy jaho rehistracyi ŭ Viciebsku — u kvateru baćkoŭ, dzie daŭno niama nijakaj majomaści žurnalista, piša BAŽ.
«Pryjšli kala 7‑j ranicy. Stali raspytvać maich svajakoŭ, ci daŭno ja zajmajusia žurnalistykaj, jak finansujecca «Vitiebskij kuŕjer news», pra što tam pišu ja asabista.
Skazali, što buduć šukać u kvatery «ekstremisckuju infarmacyjnuju pradukcyju», ale ničoha nie znajšli. Raspytvali, jakaja ŭ mianie jość majomaść.
Bo ŭ ich byli źviestki pra aŭtamabil, jaki kaliści mnie naležaŭ. Ale toj aŭtamabil daŭno aryštavany na zapyt banka, bo ja nie mieŭ mahčymaści apłačvać za jaho kredyt», — raspavioŭ Alaksandr Kornyšaŭ.
Pavodle jahonych słoŭ, vizity siłavikoŭ da baćkoŭ apošnim časam nabyli rehularny charaktar. Niekalki razoŭ jaho šukali pa miescy aficyjnaj rehistracyi paśla adjezdu ź Biełarusi. A paśla taho, jak Alaksandr Kornyšaŭ uziaŭ udzieł u prahramie «Biełarus biełarusu» na telekanale «Biełsat», niečakanyja naviedniki pačali źjaŭlacca praktyčna štomiesiac.
Tak, u krasaviku supracoŭniki Pieršamajskaha RAUS šukali žurnalista ŭ suviazi z tym, što suprać jaho raspačali administracyjnyja spravy pavodle častki 2 artykuła 19.11 KaAP za raźmiaščeńnie «ekstremisckich» spasyłak. Heta byli spasyłki na materyjały «Vitiebskoho kuŕjera news», pryznanaha 14 studzienia 2022 hoda sudom Čyhunačnaha rajona Viciebska «ekstremisckaj infarmacyjnaj pradukcyjaj».
Pakolki «pravaparušalnika» znajści nie zmahli, pradstaŭniki rajadździeła milicyi dasłali Kornyšavu składzienyja na jaho pratakoły praz asabistuju pierapisku Vk.com. Pavodle dasłanych dakumientaŭ, redaktara musili sudzić 16 i 20 traŭnia. Nakont apošniaj daty jaho, hetaksama praź pierapisku vk.com, prainfarmavali supracoŭniki suda Pieršamajskaha rajona Viciebska. Adnak u sudovych raskładach na hetyja dni zhadak pra razbor spraŭ Alaksandra Kornyšava nie było. Jon sam pakul nie viedaje, ci adbylisia jany i čym skončylisia.
Dva tydni tamu redaktar vydańnia «Vitiebskij kuŕjer news» daviedaŭsia, što jaho ŭklučyli ŭ «ekstremiscki śpis» na sajcie MUS — jak udzielnika pieradvybarčaj inicyjatyvy «Jeŭrapiejski vybar», abvieščanaj 10 traŭnia «ekstremisckim farmiravańniem».
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary