Žycharka Homiela pakazała našeście mošak u svaim domie. Miortvych nasiakomych pryjšłosia vymiatać uvieś dzień
U tyktoku zavirusiłasia videa z moškami ŭ Homielskaj vobłaści: jaje dom atakavali połčyščy nasiakomych i ŭ vyniku joj daviałosia ich vymiatać z domu litaralna ceły dzień.
Na pieršym videa žančyna pakazvaje pakoj u svaim domie, dzie ŭsie ścieny litaralna ableplenyja maškaroj.
Na nastupnym videa jana pakazvaje nastupstvy paśla dezinsiekcyi: miortvyja kazurki vyściłajuć padłohu i «chrabuściać». Žančyna źmiataje ich z dapamohaj vienika, pa jaje słovach, heta zaniało ŭ jaje ceły dzień. Heta videa sabrała bolš za 2 miljony prahladaŭ
Jak pisaŭ Smartpress.by, u Homielskaj vobłaści nazirajecca «našeście» drobnaha hniusu, jaki, pačynajučy z maja, robić nievynosnym žyćcio ludziej i žyvioł. Tak, niadaŭna žurnalistaŭ atakavali moški na padjeździe da vioski Hrabava Žytkavickaha rajona.
Entamołah Homielskaha abłasnoha centra hihijeny i epidemijałohii Tamara Husarava raspaviała, što spad masavaj aktyŭnaści mošak nastupić u pieršaj dekadzie červienia.
Pavodle jaje słoŭ, papulacyja maškary pavialičyłasia sioleta z-za vialikaj kolkaści vady ŭ rekach, što źjaŭlajecca «asnoŭnaj umovaj» vyviadzieńnia kryvasmaktalnych mošak. K hetym hodzie nazirałasia vysokaja i praciahłaja pavodka.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała9
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary