Adzin z najviadomych simvałaŭ horada siońnia adkryli dla naviedvalnikaŭ paśla adnaŭleńnia źniešniaha fasada i špila.
Pra heta infarmuje «Źviazda» sa spasyłkaj na ministerstva turyzmu Turcyi.
Vieža vyšynioj 67 m znachodzicca ŭ adnajmiennym rajonie tureckaha miehapolisa. Jaje poŭnaściu zakryli dla naviedvańnia ŭ lutym, a ŭ suviazi z restaŭracyjaj špila ź listapada 2023 hoda — vośmy pavierch. Taksama pravodzilisia raboty pa ŭmacavańni jaje siejsmatryvałaści.
Restaŭratary ŭličyli mnohija niuansy. Naprykład, na viežy zachavali kala 400 hniozdaŭ pieralotnych ptušak. «Restaŭracyjnyja raboty byli arhanizavany takim čynam, kab abaranić našu kulturnuju spadčynu, hniozdy stryžoŭ i prymać naviedvalnikaŭ. U ich udzielničali prafiesijnyja alpinisty. Hałackaja vieža z 25 maja znoŭ adkryvajecca dla naviedvalnikaŭ, za hadzinu ŭ jaje kantralavana buduć dapuskacca maksimum 100 čałaviek», — padkreślili ŭ viedamstvie.
Da hetaha kapramont viežy, zbudavanaj u 1349 hodzie i nazvanaj Chrystovaj, pravodzili ŭ 1964-1967 hadach.
Jak adznačyli ŭ meryi Stambuła, u 2022 hodzie hety abjekt naviedali zvyš 1,2 młn. čałaviek.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary