56-hadovamu ajcišniku ź Minska pahražaje da 12 hadoŭ kałonii za danaty
Minimalny prysud, jaki jamu mohuć dać — vosiem hadoŭ.
Anatolu Vaładźko 56 hadoŭ. Jon minčuk. U mužčyny jość žonka, paŭnaletniaja dačka i syn, jakomu nieŭzabavie spoŭnicca vasiamnaccać hadoŭ.
Bolš za 20 hadoŭ Vaładźko adpracavaŭ prahramistam u kampanii «Top Soft». Jana zajmajecca stvareńniem ekasistemy praduktaŭ «Hałaktyka», patrebnaj dla ličbavizacyi biznesu. Centralny ofis firmy znachodzicca ŭ Rasii, častku času Anatol prapracavaŭ tam.
Dakładnaja data zatrymańnia mužčyny nieviadomaja, ale, imavierna, heta 15 abo 16 studzienia 2024 hoda. Bo 17 studzienia jaho razam z žonkaj asudzili za «drobnaje chulihanstva» — jaho na 15 sutak, prysud žoncy nieviadomy. Zhodna z pakazańniami siłavikoŭ, Anatol Vaładźko «znachodziŭsia ŭ hramadskim miescy i z chulihanskich pamknieńniaŭ hučna kryčaŭ, niecenzurna łajaŭsia, razmachvaŭ rukami i pavodziŭ siabie ahresiŭna».
Mužčyna vinu nie pryznaŭ i skazaŭ, što pasiarod dnia jaho zatrymali va ŭłasnaj chacie. Ničoha z taho, pra što kazali śviedki, jon nie rabiŭ.
A 6 červienia nad im pačaŭsia sud u Minskim haradskim sudzie, ale ŭžo pa kryminalnaj spravie. Jaho vinavaciać pa dvuch artykułach — «finansavańnie terarystyčnaj dziejnaści» (č. 1 art. 290-1 KK) i «finansavańnie dziejnaści ekstremisckaha farmiravańnia» (sastareły art. 361-2).
Anatolu pahražaje ad vaśmi da dvanaccaci hadoŭ kałonii.
«Naša Niva» — bastyjon biełaruščyny
PADTRYMAĆAd BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary
I hedak PAŬSIUL