U Kijevie paradavalisia, što ŭ mirnym samicie pa Ukrainie voźmie ŭdzieł vice-prezident ZŠA
Kiraŭnik administracyi prezidenta Ukrainy Andrej Jarmak zajaviŭ, što ŭ Kijevie vitajuć udzieł vice-prezidenta ZŠA Kamały Charys u mirnaj kanfierencyi ŭ Šviejcaryi.
Akramia taho, Jarmak rastłumačyŭ, što prezident Ukrainy Uładzimir Zialenski praviadzie dźvie sustrečy z amierykanskim lideram Džo Bajdenam za ramkami mirnaha samitu. Pa danych Vašynhtona, prezidenty pavinny sustrecca ŭ Francyi i ŭ Italii, piša Bild.
Raniej paviedamlałasia, što Džo Bajden nie voźmie ŭdziełu ŭ mirnym samicie, bo ŭ hety čas budzie ŭdzielničać u Kalifornii ŭ zbory hrošaj na svaju vybarčuju kampaniju
Paralelna z hetym hienieralny sakratar NATA Jens Stołtenbierh raskrytykavaŭ ułady Kitaja za bajkot mirnaj kanfierencyi ŭ Šviejcaryi.
«Na žal, Kitaj vyrašyŭ nie brać udziełu ŭ kanfierencyi. Kitaj nie ŭ stanie asudzić uvarvańnie Rasii va Ukrainu, jakoje źjaŭlajecca aburalnym parušeńniem mižnarodnaha prava», — zajaviŭ Stołtenbierh.
Jon padkreśliŭ, što ŭłady Kitaja nie tolki nie asudzili ŭvarvańnie, ale navat padpisali pahadnieńnie ab nieabmiežavanym partniorstvie z Uładzimiram Pucinym.
Paśla pačatku rasijskaha ŭvarvańnia Kitaj staŭ pradavać rasijskim vytvorcam pieradavyja technałohii, mikraelektroniku, mikračypy i inšaje abstalavańnie, jakoje nieabchodna dla stvareńnia rakiet, samalotaŭ i bajavych tankaŭ.
Rasija namahajecca sarvać Samit miru, a Kitaj vystupaje instrumientam u rukach Pucina — Zialenski
Kitaj nie budzie ŭdzielničać u «samicie miru» pa Ukrainie
Zialenski: Pucin budzie apładziravać stojačy, kali Bajden praihnaruje samit miru
Bajden prapuścić samit miru pa Ukrainie ŭ Šviejcaryi. Jon pierasiakajecca ź pieradvybarčym mierapryjemstvam pa zbory hrošaj u Kalifornii
Ciapier čytajuć
U Varšavu pryjechała sotnia biełaruskich palitviaźniaŭ12
Kamientary