У Кіеве парадаваліся, што ў мірным саміце па Украіне возьме ўдзел віцэ-прэзідэнт ЗША
Кіраўнік адміністрацыі прэзідэнта Украіны Андрэй Ярмак заявіў, што ў Кіеве вітаюць удзел віцэ-прэзідэнта ЗША Камалы Харыс у мірнай канферэнцыі ў Швейцарыі.
Акрамя таго, Ярмак растлумачыў, што прэзідэнт Украіны Уладзімір Зяленскі правядзе дзве сустрэчы з амерыканскім лідэрам Джо Байдэнам за рамкамі мірнага саміту. Па даных Вашынгтона, прэзідэнты павінны сустрэцца ў Францыі і ў Італіі, піша Bild.
Раней паведамлялася, што Джо Байдэн не возьме ўдзелу ў мірным саміце, бо ў гэты час будзе ўдзельнічаць у Каліфорніі ў зборы грошай на сваю выбарчую кампанію
Паралельна з гэтым генеральны сакратар НАТА Енс Столтэнберг раскрытыкаваў улады Кітая за байкот мірнай канферэнцыі ў Швейцарыі.
«На жаль, Кітай вырашыў не браць удзелу ў канферэнцыі. Кітай не ў стане асудзіць уварванне Расіі ва Украіну, якое з'яўляецца абуральным парушэннем міжнароднага права», — заявіў Столтэнберг.
Ён падкрэсліў, што ўлады Кітая не толькі не асудзілі ўварванне, але нават падпісалі пагадненне аб неабмежаваным партнёрстве з Уладзімірам Пуціным.
Пасля пачатку расійскага ўварвання Кітай стаў прадаваць расійскім вытворцам перадавыя тэхналогіі, мікраэлектроніку, мікрачыпы і іншае абсталяванне, якое неабходна для стварэння ракет, самалётаў і баявых танкаў.
Расія намагаецца сарваць Саміт міру, а Кітай выступае інструментам у руках Пуціна — Зяленскі
Кітай не будзе ўдзельнічаць у «саміце міру» па Украіне
Зяленскі: Пуцін будзе апладзіраваць стоячы, калі Байдэн праігнаруе саміт міру
Байдэн прапусціць саміт міру па Украіне ў Швейцарыі. Ён перасякаецца з перадвыбарчым мерапрыемствам па зборы грошай у Каліфорніі
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары