Bakteryi zdolnyja vyklikać dyjareju i navat raźvićcio mieninhitu.
U race Siena, jakaja pierasiakaje Paryž, dzie praz paŭtary miesiacy projduć zapłyvy alimpijcaŭ, vyjavili niebiaśpiečny ŭzrovień kišačnaj pałački i enterakokaŭ, piša Rasijskaja słužba Radyjo Svaboda sa spasyłkaj na hrupu manitorynhu jakaści račnoj vady.
Bakteryi, zdolnyja vyklikać dyjareju i navat raźvićcio mieninhitu, vyjaŭlalisia ŭ probach vady na praciahu ŭsiaho pieršaha tydnia červienia — paśla praciahłych zalevaŭ u Paryžy. AP tłumačyć, što daždžavaja vada traplaje ŭ kanalizacyjnuju sistemu i, kab praduchilić zatapleńnie vulic, jaje liški vyvodziacca ŭ Sienu. Pa toj ža pryčynie spabornictvy pa płavańni ŭ Sienie ŭžo admianiali ŭ minułym žniŭni.
Kupacca ŭ Sienie ŭ asnoŭnym z-za jaje zabrudžanaści było zabaroniena bolš za sto hadoŭ. Dla vyrašeńnia prablemy ŭ mai było adkryta padziemnaje vadaschovišča, zdolnaje źmiaścić 50 tysiač kubamietraŭ vady padčas mocnych daždžoŭ.
Mižnarodny alimpijski kamitet nie hublaje ŭpeŭnienaści ŭ tym, što alimpijskija spabornictvy pa płavańni ŭsio ž taki projduć u Sienie pobač z Ejfielevaj viežaj. Mer Paryža An Idalho niadaŭna paŭtaryła svajo abiacańnie vykupacca ŭ Sienie pierad pačatkam spabornictvaŭ.
Letnija Alimpijskija Hulni ŭ Paryžy projduć z 26 lipienia pa 11 žniŭnia. Pieršyja zapłyvy alimpijcaŭ u Sienie płanujucca 30 lipienia.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary