«Paspalitaje rušeńnie» ŭznačaliŭ kolišni zasnavalnik «Biełaha lehijonu»
Pra toje, što były vajskoviec, zasnavalnik «Biełaha lehijonu» Siarhiej Bulba z 17 červienia ŭznačaliŭ «Paspalitaje rušeńnie», paviedamili ŭ telehram-kanale hetaj spartyŭna-patryjatyčnaj arhanizacyi.
Sam Bulba daŭ z hetaj nahody intervju «Biełsatu», adznačyŭšy, što ŭ pracesie refarmavańnia «Paspalitaha rušeńnia» płanujecca zrabić niešta bolšaje za militarnuju strukturu.
«Nam treba nie tolki militarnaja struktura, a mienavita dziaržavatvorčaja struktura. Ja biaru za prykład svoj dośvied z «Biełym lehijonam», dzie my nie imknulisia raspaviadać niejkuju ideałohiju, naprykład, sacyjał-demakratyju ci nacyjanał-demakratyju ci chryścijanskuju demakratyju. My razumieli, što my hadujem zachavalnikaŭ dziaržavy. Nadpalityčnych. Nie vielmi cikavaje palityčnaje, a mienavita cikavaje dziaržaŭnictva.
To-bok ja baču pašyreńnie. I tut my viartajemsia da madeli dziaržavy budučyni, jakuju my raspracoŭvali ŭ ramkach prajektu «Biełaruś 2.0» pačynajučy z 2020 hoda. To-bok heta zroščvańnie razam niekalkich prajektaŭ, jakija, spadziajusia, buduć karysnyja dla Biełarusi», — kaža Siarhiej Bulba.
Pavodle jaho słoŭ, heta budzie «faktyčna ordenskaja struktura, dzie ludzi mohuć daviarać i raźličvać adzin na adnaho ŭ luboj situacyi». I kab stać siabram arhanizacyi, «treba budzie zdać peŭnyja ispyty, atrymać davier ad ludziej».
Bulba havoryć pra vokny mahčymaściaŭ, jakija ŭ adpaviedny momant abaviazkova dla biełarusaŭ adkryjucca, «i da hetaha momantu treba być hatovymi, ale nie tolki ź militarnaha ci spartovaha hledzišča. Treba mieć madel dziaržaŭnuju, ź jakoj my pryjdziem, padrychtavać mieniedžmient dla realizacyi hetaha hłabalnaha prajektu».
«Paspalitaje rušeńnie» ŭźnikła ŭ vieraśni 2022 hoda jak spartova-adukacyjnaja arhanizacyja. Adnoj ź jaje metaŭ było adradžeńnie biełaruskich vajskovych tradycyjaŭ. Pieršym jaje kiraŭnikom byŭ unuk minskaha padpolščyka časoŭ Druhoj suśvietnaj vajny Mikałaja Kiedyški Siaržuk Kiedyška, ale ŭ vieraśni 2023 hoda jon abjaviŭ, što pakidaje arhanizacyju, bo «zrazumieŭ, i mušu kanstatavać heta z sumam, što biełaruskamu hramadstvu ŭ emihracyi, ci moža ŭvohule biełarusam, «Paspalitaje rušeńnie» jak struktura nie patrebnaje».
Siaržuk Kiedyška prapanavaŭ pravieryć, nakolki biełarusam patrebna «Paspalitaje rušeńnie». A zaadno paviedamiŭ pra svoj sychod ź jaho
Kiraŭnik «Paspalitaha rušeńnia» raskazaŭ, čyje zahady jany hatovyja vykonvać i z kim kantaktujuć
Unuk Hieroja Savieckaha Sajuza Mikałaja Kiedyški staŭ hołasam Paspalitaha rušeńnia, jakoje choča «vyzvalić Biełaruś»
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary