Pra mahčymaje pavyšeńnie piensij zhadała ŭ svaim pieršym intervju niadaŭna pryznačanaja ministarkaj pracy i sacyjalnaj abarony Biełarusi Natalla Paŭlučenka. Adbudziecca heta ŭ 2024 hodzie, ale kali dakładna — jasnaści pakul niama.
U efiry telekanała «Biełaruś 1» kiraŭnica Minpracy nahadała, što z 1 studzienia 2024 hoda ŭ krainie pavialičyli bazavuju staŭku. Jana vyrasła na 6,4% (z 235 da 250 rubloŭ), što paŭpłyvała na zarobki biudžetnikaŭ.
Akramia taho, pa słovach Natalli Paŭlučenka, vyraśli i dadatkovyja stymulujučyja vypłaty dla ŭsich katehoryj. Na hetyja mety ź dziaržaŭnaha biudžetu vydzielena 1,64 miljarda rubloŭ.
Ministarka taksama zajaviła, što zarobki ŭ Biełarusi pavinny znoŭ pavialičycca ŭ druhim paŭhodździ 2024 hoda. Adbudziecca heta znoŭ-taki dziakujučy čarhovamu pavyšeńniu ŭ krainie bazavaj staŭki.
Paŭlučenka taksama adznačyła, što ŭžo ciapier asobnyja ministerstvy (naprykład, Minadukacyi i Minpracy) pracujuć nad dadatkovym pavieličeńniem stymulujučych vypłat asobnym katehoryjam rabotnikaŭ pa halinach, jakija jany kuryrujuć.
Što ž tyčycca pavyšeńnia piensij, to tut peŭnaści mienš. Natalla Paŭlučenka tolki namiaknuła, što pravodziacca «finansava-ekanamičnyja raźliki dla vyznačeńnia takoj mahčymaści».
Raźliki viaducca sumiesna ź Ministerstvam finansaŭ, a pavysić piensii chočuć jašče ŭ 2024 hodzie. Adnak dakładnyja terminy ministarka nazyvać nie stała.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary