Siaredni ček u kramach Biełarusi nabližajecca da psichałahičnaj adznaki
Kali raniej biełarusy ŭ siarednim tracili za adzin pachod u kramu krychu bolš za 20 rubloŭ, to ciapier heta ŭžo amal 25 rubloŭ.
Roźničny tavaraabarot sa studzienia pa maj vyras na 12,2%, kali paraŭnoŭvać z takim ža pieryjadam minułaha hoda, paviedamlaje Biełstat.
Suma roźničnaha abarotu za hetyja miesiacy 2024-ha skłała 34,2 miljarda rubloŭ. Pry hetym siaredni ček roŭny 24,5 rubla, tady jak u studzieni-mai minułaha hoda jon składaŭ 21 rubiel.
Pa vynikach studzienia hetaha hoda ček byŭ taksama adnosna nievialiki — 21,6 rubla.
Heta značyć sa studzienia siaredniaja suma štodzionnych pakupak adnaho žychara krainy vyrasła prykładna na 13,4%.
Aptovy tavaraabarot za piać miesiacaŭ taksama vyras-na 8,3% da 73,7 miljarda rubloŭ. Jość rost i ŭ hramadskim charčavańni — plus 11,8% (suma — 2,3 miljarda rubloŭ).
Adnak Biełstat nie pryvodzić siaredniuju sumu, jakuju vydatkoŭvaje klijent u restaranie abo kaviarni za adno naviedvańnie.
Ciapier čytajuć
Krynicy: Usava i Kraŭcova vykraślili polskija śpiecsłužby. Ź Dzikavickim inšaja situacyja23
Kamientary