Niamiecki abaronny kancern Rheinmetall abjaviŭ ab atrymańni najbujniejšaj u historyi kampanii zamovy na pastaŭku 155-mm artyleryjskich bojeprypasaŭ dla Bundeśviera. Pra heta paviedamiła pres-słužba kampanii.
Kantrakt na pastaŭku bojeprypasaŭ byŭ padpisany 20 červienia. Ahulny jaho košt składzie kala €8,5 młrd.
Asnoŭnaj metaj zamovy źjaŭlajecca papaŭnieńnie zapasaŭ Bundeśviera i jaho sajuźnikaŭ, a taksama padtrymka Ukrainy.
Pastaŭki pavinny pačacca ŭ pačatku 2025 hoda. Asnoŭnym pakupnikom budzie Hiermanija, jakaja zabiaśpiečyć častku pastavak va Ukrainu. Akramia taho, u zamovie taksama ŭdzielničajuć krainy-partniory — Niderłandy, Estonija i Danija.
U toj ža čas była zaklučanaja pieršasnaja damova ab adstupleńni ad ramačnaha kantraktu dla zabieśpiačeńnia zahruzki mahutnaściaŭ novaha zavoda, jaki budujecca ŭ Unterlusie ŭ Hiermanii, na etapie zapusku. Hetaja zamova taksama ŭklučaje pastaŭku snaradaŭ kalibra 155 mm u roznych madyfikacyjach ahulnym koštam kala 880 młn jeŭra. Pastaŭki taksama zapłanavanyja na 2025 hod.
U kampanii čakajuć, što ŭ najbližejšyja hady kolkaść zamoŭ budzie nadalej uzrastać.
Kamientary