Ułady Krasnadarskaha kraju Rasii paćvierdzili, što rehijon adbivaŭ masiravany nalot ukrainskich dronaŭ prynamsi na try rajony. Napadu dronaŭ padvierhlisia Jejski, Ciamrukski i Sievierski rajony, piša Bi-bi-si.
Apieratyŭny štab taksama śćviardžaje, što ŭsie ataki adbityja. Niekatoryja rasijskija telehram-kanały, abapirajučysia na infarmacyju ad miascovych žycharoŭ, pišuć pra advarotnaje. U Jejsku, pa ich źviestkach, uspychnuŭ pažar u rajonie vajennaha aeradroma.
U pasiołku Afipskim, dzie tolki minułaj nočču drony atakavali NPZ, ciapier atacy, pa hetych niepaćvierdžanych danych, padvierhnułasia elektrastancyja.
U rajonie Krasnadara dron mierkavana ŭdaryŭ pa naftabazie. Bolš dakładnaj infarmacyi, paćvierdžańniaŭ, abviaržeńniaŭ niama.
Vybuchi taksama čuli žychary Navarasijska i navat Vałhahrada. Paćvierdžańniaŭ abo asprečańniaŭ znoŭ-taki niama.
Pry hetym, pa źviestkach manitorynhavych kanałaŭ, nalot jašče nie skončyŭsia: novyja drony laciać praz Azoŭskaje mora.
Naloty ŭkrainskich dronaŭ praciahvajucca — ciapier ataku bieśpiłotnikaŭ adbivaje Sievastopal. Pra heta napisaŭ u telehramie Michaił Razvažajeŭ.
«Pavodle papiaredniaj infarmacyi, źbityja ŭžo 4 bieśpiłotniki», — piša Razvažajeŭ.
Jon śćviardžaje, što razbureńniaŭ i paciarpiełych niama.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary