Улады Краснадарскага краю Расіі пацвердзілі, што рэгіён адбіваў масіраваны налёт украінскіх дронаў прынамсі на тры раёны. Нападу дронаў падвергліся Ейскі, Цямрукскі і Северскі раёны, піша Бі-бі-сі.
Аператыўны штаб таксама сцвярджае, што ўсе атакі адбітыя. Некаторыя расійскія тэлеграм-каналы, абапіраючыся на інфармацыю ад мясцовых жыхароў, пішуць пра адваротнае. У Ейску, па іх звестках, успыхнуў пажар у раёне ваеннага аэрадрома.
У пасёлку Афіпскім, дзе толькі мінулай ноччу дроны атакавалі НПЗ, цяпер атацы, па гэтых непацверджаных даных, падвергнулася электрастанцыя.
У раёне Краснадара дрон меркавана ўдарыў па нафтабазе. Больш дакладнай інфармацыі, пацверджанняў, абвяржэнняў няма.
Выбухі таксама чулі жыхары Наварасійска і нават Валгаграда. Пацверджанняў або аспрэчанняў зноў-такі няма.
Пры гэтым, па звестках маніторынгавых каналаў, налёт яшчэ не скончыўся: новыя дроны ляцяць праз Азоўскае мора.
Налёты ўкраінскіх дронаў працягваюцца — цяпер атаку беспілотнікаў адбівае Севастопаль. Пра гэта напісаў у тэлеграме Міхаіл Разважаеў.
«Паводле папярэдняй інфармацыі, збітыя ўжо 4 беспілотнікі», — піша Разважаеў.
Ён сцвярджае, што разбурэнняў і пацярпелых няма.
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары