Pjany biełarus na fury zładziŭ adrazu niekalki DTZ u Hiermanii. Naniesienaja škoda ŭražvaje
Zdareńni adbyłosia ŭ sieradu ŭ Ciurynhii na aŭtabanie A9 u napramku Miunchiena ŭ rajonie raźviazki Chiermsdorf.
Spačatku vartavym paradku pastupiła infarmacyja ab DTZ z udziełam troch aŭtamabilaŭ pierad raźviazkaj. Fura, za styrnom jakoj byŭ biełarus, spačatku ŭrezałasia ŭ zadniuju častku aŭto, što jechała napieradzie, a zatym sutyknułasia z pryčepam prykryćcia dla darožnych rabot na abočynie. Adnak zamiest taho kab spynicca, fura praciahnuła ruch.
Dalej pravaachoŭniki atrymali jašče niekalki zvankoŭ pra vialikahruz z tresnutym łabavym škłom, jaki niebiaśpiečna ruchaŭsia źmiejkaj u bok Miunchiena.
Biełarus prajechaŭ krychu mienš za piać kiłamietraŭ, źjechaŭ z darohi i sutyknuŭsia z aharodžaj.
Naš suajčyńnik pavodziŭ siabie nieadekvatna, admaŭlaŭsia vyłazić z mašyny, dźmuć u ałkatestar. Analiz potym pakazaŭ 2,56 pramile.
Na ščaście, u vyniku avaryj nichto nie paciarpieŭ. Adnak škoda skłała 56 000 jeŭra.
Z-za abłomkaŭ, jakija ŭtvarylisia paśla pieršaha DTZ, ruch na Miunchien pryjšłosia całkam zakryć amal na dźvie hadziny.
Sud abaviazaŭ kiroŭcu vypłacić zakład 3 000 jeŭra.
Kiroŭca, jaki naśmierć źbiŭ viadomaha doktara ŭ Babrujsku, byŭ pjany. Jaho za ruki trymali, kab nie ŭpaŭ
Biełarus-dalnabojščyk u Polščy paškodziŭ try mašyny. Kab vysłuchać abvinavačvańnie, jamu daviałosia praćvierazieć
U Navapołacku padletki zładzili viečarynku — adnaho źbili da paŭśmierci, druhi skočyŭ z akna ad milicyi i złamaŭ chrybiet
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary