«Fantazium doktara Parnasa», zdolny jak začaravać, tak i zanudzić
U paśmiarotnym filmie Chita Łedžera jahonuju rolu dapoŭnili Džoni Dep, Džud Łou i Kolin Fareł.
Fantazium doktara Parnasa (The Imaginarium of Doctor Parnassus)
Vialikabrytanija — Kanada — Francyja, 2009, kalarovy, 123 chv.
Režysior: Tery Hilijam
Roli vykonvajuć: Chit Łedžer, Džoni Dep, Džud Łou, Kolin Fareł, Krystafer Płamer, Lili Koŭł, Endru Harfiłd
Žanr: Fiejeryja
Adznaka: 5,5 (z 10)
Kolišni indyjski manach doktar Parnas pajšoŭ u zakład z čortam. Ciapier jon vandruje pa Łondanu i daje dziŭnaje pradstaŭleńnie. Kožny, chto projdzie praź lusterka, trapić u śviet svaich maraŭ. Ale za pasłuhi djabał patrabuje dačku doktara — Valancinu.
Paśmiarotny film Chita Łedžera, jaki syhraŭ šmatkroć paviešanaha machlara Toni. Kali aktor zahinuŭ jahonuju rolu dapoŭnili Džoni Dep, Džud Łou i Kolin Fareł, što karcinu raskvieciła. Fantazium — fiejeryja starych snoŭ, zdranćviełyja dekaracyi maraŭ, zabytaja siaredniaviečnaja kazka.
Cudy doktara Parnasa — staramodna-naiŭnyja, jak zabavy kinakazačnika Mialjesa. Strašnyja kardonavyja drevy, teatralnaja butaforyja, miaduzy ŭ niabiosach, kraina płambiraŭ. Dyjamienty i ahramadnyja pacierki, lusterki i kanfieci. Hrateskna-šykoŭnyja Hilijamskija scenki z palicejskimi ŭ spadnicach i ŭkrainskaj (!) mamašaj-bandytkaj.
Usio heta pradumana eklektyčna, dakamputarna, zdranćvieła ŭ stahodździach, paabnasiłasia — jak i sam stary doktar. Tolki biada ŭ inšym. Doktar Parnas — majstar historyj. Ale nivodnuju historyju jon raskazać nie zdolny. Jon błytajecca, pje i ŭsio zabyvaje. Siužet kulhaje, stamlajecca — dyj rassypajecca na atrakcyjony z teatralnaju mašyneryjaj, što kasuje vybar pamiž złom i dabrom.
Film zdolny jak začaravać, tak i zanudzić.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary