Pieramožcam konkursu na najlepšy zdymak nasiakomych stała fatahrafija pčoł-ziaziul, što zajmajucca rełaksam FOTAFAKT
Karaleŭskaje entamałahičnaje tavarystva Łondana isnuje z 1833 hoda. Jano abjadnoŭvaje navukoŭcaŭ-entamołahaŭ. Konkurs na najlepšuju fatahrafiju pravodzicca kožny hod u ramkach praviadzieńnia tradycyjnaha tydnia nasiakomych, piša Bi-bi-si.
Pieramožcam fotakonkursu tydnia nasiakomych Karaleŭskaha entamałahičnaha tavarystva Łondana ŭ 2024 hodzie staŭ Luk Čembiers ź Jorkšyra. Fotazdymak-pieramožca nazyvajecca «Śpiačyja ziaziuli».
Na joj dźvie pčoły-ziaziuli, što adpačyvajuć na ściable travy.
«Śpiačyja bieschrybietnyja — redkaja znachodka. Ale ŭbačyć adrazu dvuch, dy jašče tak blizka adzin da adnaho — heta ŭsio roŭna, što vyjhrać u fotałatarei», — skazaŭ jon.
Fotazdymak 8-hadovaha Džejmi Smarta z vyjavaj muchi-razbojnika (ktyr) zaniała druhoje miesca ŭ moładzievaj katehoryi.
«Adnojčy ja ŭstaŭ ranicaj i vyrašyŭ pabadziacca pa sadzie z fotaaparatam, kali ŭbačyŭ hetuju muchu na travie, — raspavioŭ jon. — Ale tolki potym, kali ja zhruziŭ zdymak na kampjutar, ja zrazumieŭ, što hetaja mucha jakraz u hety momant jeła inšuju!»
Ebi Baten nazvała svoj asabliva adznačany zdymak, zrobleny na smartfonie: «Asa pryjšła na harbatu».
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary