Pres-sakratar Kramla Dźmitryj Piaskoŭ prakamientavaŭ pastanovu Mižnarodnaha kryminalnaha suda vydać ordary na aryšt byłoha ministra abarony Rasii Siarhieja Šajhu i kiraŭnika rasijskaha hienštaba Valeryja Hierasimava.
«My ličym ich dosyć absurdnymi, jak i minułyja dva ordary, jakija tyčylisia kiraŭnika dziaržavy i našaha dziciačaha ambudsmiena», — skazaŭ Piaskoŭ, adkazvajučy na pytańnie žurnalistaŭ.
«My nie pryznajem jurysdykcyju hetaha suda, nie zjaŭlajemsia členami adpaviednaha statuta. Adpaviedna, my nie pryznajem hetyja ordary», — dadaŭ Piaskoŭ.
25 červienia dasudovaja pałata MKS vydała ordary na aryšt Šajhu i Hierasimava ŭ suviazi z udarami pa ŭkrainskich enierhietyčnych abjektach padčas vajny.
Takija ŭdary, pierakananyja sudździ, byli nakiravanyja suprać hramadzianskaha nasielnictva Ukrainy, a značyć, majuć prykmiety vajennaha złačynstva i złačynstvaŭ suprać čałaviečnaści.
17 sakavika 2023 hoda MKS vydaŭ ordar na aryšt Uładzimira Pucina i dziciačaha ambudsmiena Lvovaj-Białovaj.
Ich vinavaciać u vajennym złačynstvie — niezakonnaj departacyi nasielnictva (dziaciej) i niezakonnaha pieramiaščeńnia nasielnictva (dziaciej) z akupavanych terytoryj Ukrainy ŭ Rasijskuju Fiederacyju.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ42
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1515
Kamientary
😒 Prykra, što hetkija spačatku pišuć pa-rasiejsku, a potym pierakładajuć na, zdavałasia b, ichniuju rodnuju movu. Inakš jak možna rastłumačyć skaz «17 sakavika 2023 hoda MUS vydaŭ ordar na aryšt...»? Dzie MUS napisana mienavita na «vielikom i mohuciem», paznačaje «Mieždunarodnyj uhołovnyj sud», ale čamuści — nu, treba ž! — huhlami nie pierakłałasia. «Bastyjon biełaruščyny», blin...